Are wa’ jun k’ak’ upatanixik uwach ri k’ak’ ub’anikil chak patan rech pa le japache’ ri’ ri xjaq uwach pa Zaragoza, Chimaltenango , eri k’ak’ Tijob’al rech ri Wokajil Japache’ ri’, chi’ k’ut kakiterenb’ej wi katijob’exik ri e 85 chi Eqa’lenelab’ rech Ya’olchajinik ri’ ri k’o oxib’ ik’ xek’oji pa tijob’enik pa República Dominicana ri’.

Pa le unimaq’ij chi’ xtatb’en wi ri Ministro rech Gobernación, Francisco Rivas Lara ruk’ ri Embajador rech Estados Unidos, Todd Robinson; ri Roberto Santana, ajkojol rech ri K’ak’ Ub’anikil Tijob’al ri’ rech pa Japache’ ri’ en República Dominicana xuquje’ ri Elías Carranza, K’amal b’e rech ri Instituto Latinoamericano rech ri Naciones Unidas rech Prevención rech Delito xuquje’ rukp’ ri Tratamiento rech ri Delincuente (ILANUD).

Eri Ministro Rivas, xub’ij k’ut sib’alaj ki’kotem kurilo rumal xjaqik ri nab’e tijob’al ri’ xuquje’ xub’ij che are wa’ jun Tijob’alil ri kab’an wi tijob’en ib’ chi rij le kib’anikil ri e ajtijoxel ri’ xuquje’ ruk’ ri kib’anikil ri e ajtijonel kech ri are wari’ rajawaxik kach’ob’ik rumal are kuya’ uchuq’ab’ ranima’ ri’ le chak patan kuk’ ri kiwinaqil ri e ajpache’ ri’.

 “Are wa’ jun chakunem chi rij kiwinaqilal ri achijab’ ri ixoqib’ ri’ pa le kichak kipatanil ri’, xuquje’ chi rij kib’antajil ri winaq e ajpache’ ri loq’ kik’aslemal ri loq’ ri ya’talil chi ke ri’”, xcha’ ri Rivas.

Pa we tijob’al ri’ kaya’taj wi utak’alib’al ri jun k’ak’ ub’anikil b’anow chak patan pa japache’ ri’, ri k’o wi unimab’alil uwach ri ya’talil che ronojel jun winaqilal ri’, chi’ k’u ri’ chi rij k’u ri’ kakiterenb’ej uwach katijob’exik ri e 85 Eqa’lenelab’ rech Ya’olchajinik xuquje’ rech Ya’b’al loq’ Ilonem pa Japache’ ri’, eri nab’e uwach ri puq eqa’lenelab’ chi’ kek’oji wi’ pa le K’ak’ Tijob’al rech Suk’umal ib’ ri’ xuquje’ ri Kesuk’umax wi pa Villa Nueva chi’ k’u ri’ ketz’apib’ wi le nan kachi’l taq kal k’a te kajib’ kijunab’ ri’.

Eri Ministro Rivas xub’ij che nim ki’kotem che tajin kurilo ri tob’anik ya’om chi rij wa kumal ri keb’ amaq’ nimatinamit kojpa’, ri República Dominicana xuquje’ Estados Unidos, xuquje’ are rech uya’ik utzijol che ri Tijob’al ri’ are ub’i’ ri dominicano kakojik, Roberto Santana; rumal are ri loq’ winaq ri’ k’o chik b’elejeb’ junab’ katajin pa le b’anow chak rech uk’exik uwach ri K’ak’ Ub’anikil Taqanem chak patan pa le Japache’ ri’ k’o pa Iximulew ri’ xuquje’ are kojol rech wa’ pa we amaq’.

Eri uk’olib’al kakoj wi le k’ak’ Tijob’al ri’ are pa jun finca ri ya’talil rumal ri Ministerio rech Gobernación ri’ pa le upatanil ri Secretaría Nacional rech Bienes rech Extinción de Dominio ri’, ri xsuk’umax uwach rech kakojik ri’ xuquje’ ri xsuk’umaxik rumal ri Sección rech Asuntos Antinarcóticos xuquje’ rech Aplicación rech ri Taqanem INL rech ri Embajada rech Estados Unidos.

Eri Embajador Todd Robinsson pa taq le chakunem ri’ are xukojo $1 millón chi dólares xuquje’ are wa’ utob’anik xuya’o che ri Iximulew Nimatinamit ri’ xa’rumal are kuch’ob’o che are utz kachokonsaxik pa le k’ak’ ub’anikil taqanem pa le Wokajil Japache’ ri’.

COMPARTIR