Xmajtaj ukojik ri Nuk’b’anikil rech Ya’talil Xik’ach’ich’ Iximulew –Honduras

86

Are rech eri e ajb’inisaxel hondureños jacha’ e aj iximulew ri’, rech paqal taj kakitojo ri b’enam ri’, jeri’ pa ub’inisaxik ri ub’anikil taq q’axnik pa taq amaq’ ri’, are uwach ri chomanik rech xkojik jun ub’anikil jamalil chi kuwach ri keb’ amaq’ib’ nimatinamit ri’, che ri xmajtaj ukojik ri’, pa le Aeropuerto Internacional La Aurora.

Eri Héctor Recinos, K’amal b’e rech ri Aeronáutica Civil xuya’ utzijol ri’ rech k’o chik pa uq’ijol ri Taqanib’al B’anow rech ri chak patanem ri’ pa ropanb’al xik’ach’ich’ ri’ xuquje’ pa taq le ropanb’alil jukub’ puwi plow ri’ pa keb’ nimatinamit ri’ che ri are kuya’ pa saqil ri ub’anikil taq chak upatanixik ri’ pa uno’jimalil ri’ xuquje’ pa le raq’anik ri chak patn ri’.

Eri K’amow ub’e Migración ri’, Carolina Miranda xub’ij che ri taqim uwach ri’ are k’ot k’ax pa kib’e ri winaq e ajwa’katel pa le keb’ nimatinamit ri’ pa taq le juyub’ ri jujun taq nimatinamit ri’.

“Eri K’amow ub’e ri Migración ri’ are xukoj jun upam ja rech kek’oji wi ri winaq hondureño ri ke’ok loq xuquje’ ri ke’al b’ik pa we amaq’ nimatinamit ri’ rech k’ot k’ax pa kib’e rech kakitoq’ij resaxik kiwujil ri’”, xcha’ ri Miranda.

Eri embajadora rech Honduras, Vivian Paten xub’ij che k’o ri’ jun chak patan rech ya’b’al ilonem chomanik ri’ rech keta’ik chinaq ri kakichap b’enam pa taq le xik’ach’ich’ ri’, che ri kujam uwach ri chapem b’enam ri’ pa jun ch’uti’n tinamit pa taq le nimatinamit ri’.

“We k’o jun xik’ach’ich’ e uk’amom keb’ uwach jo’k’al winaq ri’ xuquje’ e junwinaq chi ke e hondureños, eri e are ri’ kakicholajisaj pa jun ch’uti’n wantana are wari’ jalajoj rumal are nim ri’, xuquje’ jeri’ kaqab’an uj pa qatinamit pa Iximulew ri’, man k’ot jun chik junam ruk’ ri’ pa Latinoamérica”, xcha’ ri Embajadora ri’.

COMPARTIR