Pa le tinamit rech Purulhá, Baja Verapaz, eri Ministro rech Gobernación, Francisco Rivas Lara, achb’ilam ruma ri Ricardo Guzmán, nab’e viceministro rech Ya’olchajinik xuquje’ ri K’amal b’e rech ri Wokajil Ajchajil Tinamit (PNC), rumal xjaq ri 52 – 13 subestación rech ajchajil tinamit chi’ e k’o k’ut 24 eqa’lenelab’ kek’oji chupam ri’.

Eri Ministro ri’ xuya’ ub’ixik che ki’kotem che kurilo ri tob’anik xya’taj kumal ri q’atb’altzij tinamit chi’ rech tijob’al chuq’ab’ xkikojo rech xkoj ri PNC kuk’, are rech b’a’ kak’oji pa kub’sib’alil ri uq’ab’ tinamit ri’.

 “Eri in b’a in Ministro rech Gobernación ronojel wanima’ kenichomaj ri winaq tinamit ri’ rech pa no’jimal joremal kek’eqeb’ k’ut xuquje’ rech konojel pa kub’sib’al kek’oji ri’, rech konojel ri taq ak’alab’ ali ala kakub’ kik’u’x chi kij ri PNC chi’. Sib’alaj utz b’a’ tat ajkalte tajin kujchomaj la tajin kachakun la quk’ xuquje’ eri uj je ri’ kaqaj kujchakunik pa komon q’ab’il uk’ la xuquje’ kaqamaltyoxij ronojel ri chak b’anom la quk’ kojpa’ pa we q’ij ri’ xjaq b’ik ri jun loq’ k’olib’al ajchajil tinamit ri’

Komon chak ri’

En k’u ri ajkalte Sebastián Castro García, xuya’ ub’ixik che ki’kotem kurilo rumal xjaq chi’ ri jun loq’ k’olib’a ajchajil tinamit ri’ xuquje’ xumaltyoxij che ri Minstro xuquje’ che ri Viceministro, rumal xchomaj ri xtaq che kumal ri komon winaq ri’ xuquje’ xub’ij che ri q’atb’altzij kojpa’ ri winaq chi’ pa komon kechakunik kuk’ taq ri eqa’lenelab’ ketaq chi’ rech kaq’atexik ri e ajb’anol k’ax ri’ xuquje’ rech pa joremal ub’anikil ri k’amoj ib’ chi kuwach ri winaq chi’.

COMPARTIR