Eri q’atb’altzij rech ri Ministerio rech Gobernación xuquje’ rech ri Wokajil Ajchajil Tinamit (PNC), xjaq uwach ri k’olib’al ya’olchajinik 34-33 pa le aldea Xab, rech uq’ab’tinamit El Asintal, Retalhuleu, are uwach ri yab’al uchuq’ob’il ri ya’olchajinik tinamit pa le tinamit ri’.

Eri taqawokajnel ya’olchajinik pa amaq’, Francisco Rivas Lara, xuya’ ub’ixik che ruk’ wa’ kikojik ajchajil tinamit PNC chi’, are rech yab’al uchuq’ob’il keq’atexik ri ajb’anol k’ax chi’ rech pa joremal kek’oji ri winaq tinamit chi’.

 “Are wa’ jun taqim uwach kab’antaj kowinem ruk’, rumal k’u ri’ sib’alaj rajawaxik kaya’ ub’ixik che ri ya’olchajinik chi’ man xaq kichak patan ri PNC ri’, xane’ are kichak patan ri winaq tinamit juntir. Kojpa’ pa no’jimal kakub’ kik’u’x chi kij ri ajchajil tinamit je ri’ kub’an upatan ri’ ri ya’olchajinik chi’” xcha’.

Eri Rivas Lara, xuquje’, xe’usik’ij ri q’atb’altzij pa uq’ab’tinamit ri’ xuquje’ pa juntir unimal tinamit chi’ rech pa komon b’a’ kakimol kib’ che ya’olchajinik rech q’atenik b’anoj k’ax chi’.

COMPARTIR