Xjaq uwach K’uttijonem Chi kuwach taq Nimatinamit rech b’anol q’atoj tzij chi kij ak’alab’ kemakunik ri’

79

Eri urox viceministerio rech Gobernación, Axel Romero, xtatb’enik che ajpatan pa le Nimkomon chomanik rech b’anow q’atoj tzij chi kij ak’alab’ kemakunik ri’, pa le jaqib’al uwach ri Ukab’ K’uttijonem chi kuwach taq Nimatinamit ub’i’ ri k’uttijonik ri’ “Ak’alab’ alab’om alitom kemakun chuwach q’atb’altzij ri’: ¿winaqib’ ri ya’talil kiq’ijol ri’ wexu’ winaqib’ e sachinaq chik?, ri tajin kutzukux uya’ik kichuq’ab’ pa le choman tinamit ri’ xuquje’ ri cholb’al chak rech ke’ok chik pa k’amow ib’ pa tinamit pa tijonem ri’ xuquje’ pa chak patan ri’, rech b’a’ kesuk’umaxik ub’antajil kik’aslemal ri ak’alab’ kiminom kib’ pa taq b’anow k’ax ri’ rumal ri’ k’o ri q’atb’altzij chi kij pa Iximulew ri’, pa El Salvador xuquje’ pa Honduras ri’.

Eri Romero xuya’ ub’ixik che ri tajin katzukux chi rij ri’ are rech kakojik utzalaj taq b’anow rech pa komonchak pa taqawokajil pa taq le rulewal tinamit ri’, rech kakojik ri ub’eyal rech keq’alik kesuk’umax ri ak’alab’ alab’om alitom rech kakib’an ta chik b’anow k’ax ri’.

 “Rajawaxik kaqilo jas ri b’anow chomanik qab’anom chi rij wa’ chi kuwach nik’aj wokajil b’anow chak patan ri’ rech kakub’saxik che ri ak’alab’ alab’om alitom ri’ rech ya’talil  jamalil chi ke xuquje’ rech kekowin b’a’ ke’ok pa chak patan pa kik’aslemal ri’”, xcha’ ri Romero ri’.

Xuquje’ xek’oji chi’ ri Nimaq’atal tzij rech ri Ministerio Público, Thelma Aldana, xuquje’ ri Procurador rech Derechos Humanos, Jorge de León, je ri’ ri Nimkomon Chomanelab’ ri’.

Eri K’uttijonem ri’ are xk’isik pa le 17 q’ij rech we ik’ ri’ xuquje’ are uterenb’exik ri Nab’e K’uttijonem chi kuwach Nimatinamit ri’ ub’i’ kab’ixik “Qas are uchak patan ri q’atb’altzij chi kij ak’alab’ alab’om alitom xuquje’ rech ub’anikil ri ya’talil pa Centroamérica”, ri xb’antaj ri’ pa El Salvador, pa junab’ir kanoq, are b’anow nim chak chi kuwach ri amaq’ nimatinamit rech ri Triángulo Norte rech qas b’anow uchomaxik uwachtzijonem chomanik rech ya’olchajinik ri’.

Eri jun chik uwach taqim rumal we riqb’al ib’ chomanik ri’ are rech kasuk’umax uwach ri q’atol tzij chi kij alab’om alitom ri’ xuquje’ rech kaya’ uchuq’ab’ ri eta’mab’alil kumal ri ajq’atol tzij chi kij ri alab’om alitom kumal ri e ajtatb’inelab’ chi’.

 

Swiffy Output
COMPARTIR