K’o 175 najch’a’wb’alil ruk’ 105 chips xeraqatajik pache’ tz’apib’al pa we junab’ ri’

155

Pa jun riqb’al ib’ utam rumal ri diputada Nineth Montenegro, eri Ajq’axal Tzijol rech ri Wokajil Japache’ Tz’apib’al (SP), Rudy Esquivel xuya’o ub’ixik che are rumal ri k’ak’ b’anikil taqanik rumal ri K’amal Ub’e ri SP ri’, xb’antaj kowinem pa we junab’ ri’ e k’o 55 winaq xechapatajik rumal k’o jalajoj b’anow k’ax xkib’an ri’, are jun kimak ri’ xa’ k’o jastaq najch’a’wb’alil xkaj xkikoj chi’ man ya’tal taj ka’ok chi’.

Eri rajilab’al chi rij ri’ rumal ri’ SP, are kub’ij che k’o k’i chi tzukunik b’anom pa japache’ ri’ xa’rumal ri’ xb’antaj kowinem xraqataj chi’ 175 chi naj ch’a’wb’alil ri’, ruk’ 105 chips, xuquje’ ruk’ oxib’ mil chi puch’b’al xraq chi’, xuquje’ k’o marihuana ruk’ cocaína xraq chi’, qaraj k’o 20 pa 30 pajb’alil uwach ri’ xraqatajik.

Xuya’ ub’ixik chik che k’o kajib’ k’aqb’al ruk’ ub’aq’ k’aqb’al ri’ xraqataj chi’.

Eri b’anow tzukunik ri’ are xb’antajik xa’b’a’ maltyox je ri’ xtaq ub’anik rumal ri le K’amal b’e Nicolás García Fuentes, ri are xutaq ub’anik pa komonchak ri’ ruk’ le utaqanik ri Ministro rech Gobernación, Francisco Rivas Lara, eri 3 mil 228 chi eqa’lenelab’ e ajchajil pa japache’ tz’apib’al ri’ e are k’ut k’o xechajin chi paq’ij chi chaq’ab’ ri’ pa juntir le wokajil japache’ ri’, ri are ri’ katajin rilik rech b’a’ kanimaxik b’anikil uwach kojpa’ ri taqom ub’ixik pa usaqil, pa aninaqil xuquje’ ruk’ rech kub’an upatan ri’”, xcha’ ri Esquivel.

Eri Esquivel xub’ij chik che we kamik ri’ konojel k’ut ri winaq e tz’apilik pa konojel ri’ are 20 mil 679 e jachom pa taq le 21 chi japache’ tz’apib’al ri’ ri e chajim kumal e jun mil 400 chi ajchajil kech ri’ pa japache’ tz’apib’al ri’.

Swiffy Output
COMPARTIR