Tajin uqajil loq uchuq’ab’ ri b’anoj k’ax kamisanik pa we amaq’ ri’

246

We kamik tajin xq’atataj 104 chi b’anoj kamisanik ri’ man je ta ri’ kojpa’ ruk’ pa junab’ir ri’, are kub’ij che junam kajilab’al winaq xeto’taj kan ri’, xcha’ ri viceministro Ricardo Guzmán, pa le yab’al tzijol xuya’o pa le K’otojchi’aj xb’an che pa le noticiero TN 23.

 “Eri tajin kaqachomaj are ri’, yab’al jikomal joremal xuquje’ ya’olchajinik chi ke ri winaq tinamit ri’ ri keb’e loq xuquje’ ri ketzalij loq pa taq le kachoch ri’, je ri’ tajin kutoq’ij ri ub’eyal ya’olchajinik ri’ rech uterenb’exik kiq’atexik ri nuk’wokaj b’anoj k’ax kamisanik ri’, rumal ri’ kojtajin che ub’anik jun nim ch’ob’oj solwachinik chi rij ri b’anol taq k’ax ri’, rech qas kaqilo jawchi’ qas katajin wi qas k’o wi uchuq’ob’il ri b’anoj k’ax kamisanik ri’, are wa’ kujch’ob’on chi rij, rech keqaq’atij ri’” xcha’.

Eri Subdirector de Investigación Criminal,  Stu Velasco, ri xrachb’ilaj ri Viceministro, ri are xub’ij chi rij ri kupatanij ri ub’eyal ub’anikil kiq’atexik ri molaj b’anol k’ax rumal ri wokajil ajchajil tinamit ri’ kuk’ ri wokajil q’atol tzij kojpa’ ri Ministerio Público xuquje’ ruk’ ri Organismo Judicial xuquje’ chi rij ub’ixik ri kupatanij ri qas k’as kichomab’al chik pa taq le ya’olchajinik kumal ri’.

 “Xilotaj qamal uj che pa le nab’e ya’olchajinik xya’tajik kumal ri q’atb’altzij taq tinamit kojpa’ ri e ajkalte, ri k’amol b’e tinamit xuquje’ ri e ajb’anol taqanib’al pa amaq’ ri e opaninaq pa le Ministerio rech Gobernación man junam ta chik kojpa’ xub’an kanoq, are rech chik kakiya’o kino’jinik xuquje’ kitob’anik pa komonb’alil ri’ are wa’ xuya’ pa retal rech k’o winaq xechapik ri kakib’an k’ax pa tinamit ri’ xuquje’ rumal ri’ e k’o chik 37 molaj b’anol k’ax e chapom chik xuquje’ e k’o chik e jun mil 500 chi taq ak’alab’ e raqom chik rumal ri Alerta Alba Kenneth” xcha’.

Eri Viceministro rech Ya’olchajinik xuya’ ub’ixik che juntir rech ya’talil pa usaqilem ukojik ri pwaqil chokonsab’al rumal ri Gobernación ri’.

 “Junam ruk’ pa we q’ij ri’ qakolom chik 17 millones chi pwaqil ri’ rumal man k’ot chik ch’ich’ xaq tane qojom ri’, k’o kajib’ q’inomal pwaqil man sachom ta chik pa taq qojomja rech chakunb’alil ri’, xuquje’ k’o chik keb’ q’inomalil ri kolom chik rech tojb’al ajchak xe’esax b’ik xuquje’ e k’o e 800 chi ajchak e k’ot chik pa le Mingob man rumal ta ri’ eri taqawokajil ri’ sib’alaj katajin che uchak patan pa ch’ajch’ojil jikomal ri’ xuquje’ are wa’ jun utaqanik loq rumal le Nima K’amal b’e Amaq’, rumal le Tat Taqawokajnel ri’ xuquje’ kumal konojel ri winaq tajin kechakun pa le Ministerio rech Gobernación ri’” xcha’ ri Guzmán Loyo ri’.

K’o ya’olchajinik chi ke ri winaqil aretaq katoj le bono 14

Eri Velasco, xuya’ ub’ixik che ri PNC k’o chik jun ub’eyal cholchak ruk’ rech kakojik pa juntir uwach  oxib’ q’ij ri’ rech ya’olchajinik kumal ajchajil tinamit pa taq k’olib’al pwaqb’al ja, pa taq cajeros automáticos, pa taq nima’q k’ayib’al xuquje’ pa taq nima b’e rech kechajixik ri winaq ri ch’ich’ kewa’katik rech man k’ot b’anoj elaq’ chi ke ri winaq e aj iximulew ri’, pa taq le q’ij aretaq katoj le bono 14 ri’, xuquje’ e k’o sak’ajil solinel kekoj pa taq le q’ij ri’ je ri’ pa taq le q’ij rech tojb’al rech ri bono ri’, e 35 mil eqa’lenel e ajchajil tinamit rech ri PNC ketaq pa chajinik ri’ pa juntir uwach keb’ q’ij ri’.

COMPARTIR