Xmajtaj ketijoxik ri ajchajil japache’ pa República Dominicana

303

Eri Ministro rech Gobernación, Francisco Rivas Lara kuk’ ri viceministros rech ya’olchajinik, Ricardo Guzmán xuquje’ ri rech q’altel k’ax, Axel Romero, xek’oji k’ut pa le umajtajik rech ri tijob’en ib’ ri’ rech reta’maxik chi ke ri e 89 eqa’lenelab’ rech ri Japache’ ri’, pa República Dominicana.

Pa le utzij xuya’o ri Rivas Lara rech xch’a’w k’ut ri eqa’lenelab’ ri’ xuquje’ rech xuya’ ub’ixik che are jun na’tib’al tajin kakiya’o kanoq, xa’rumal are wa’ ri nab’e molaj e ajtixolal rech ke’ok che e ajchajil japache’ ri xkichap b’enam pa República Dominicana, rech kakiya’ uchuq’ab’ keta’mab’alil ri’.

Eri 35 chi achijab’ xuquje’ ri e 54 chi ixoqib’ ri’, e are k’ut xeb’e pa b’enam pa k’isb’al wuqq’ij kanoq pa le najnimatinamit ri’,  are rech ketijoxik pa le K’ak’ b’anikil ya’olchajinik pa japache’ ri’, are uwach ri’ uya’ik uchuq’ab’ ri ya’olchajinik pa taq le wokajil japache’ ri’, chi rij ri’ sib’alaj katajin che uchakuxik uwach ri Gobernación ri’.

Eri q’atb’altzij rech ri ya’olchajinik pa amaq’ xuquje’ xmolin pa jun chik riqb’al ib’ kuk’ ri e ajno’jinelab’ rech ri República Dominicana rech pa komonb’al uchomaxik ri ub’eyal ya’olchajinik ri’ pa le japache’ rech Iximulew ri’.

COMPARTIR