Xmajtaj tijonem chi rij ri nab’e molb’al rech tzijol pa tinamit rech q’atel k’ax ri’

75

Eri Viceministro rech Q’’atel K’ax, Axel Romero xtatb’enik pa le umajik tijonem chi ek ajmolol rech taq tzijol ri’ xuquje’ chi ke ri ajk’amal b’e rech ri Instituto Nacional rech Estadística (INE), ri pa keqale’nib’al k’o wi ri b’anow nabe’ chakunem rech molb’al kitzijol winaq pa tinamit ri’ chi rij q’atel k’ax ri’ -ENPEVI 2017-.

Pa le b’anow tijonem ri’ e k’o 18 ci winaq k’amal b’e rech ri INE xetijoxik, e are k’ut kaketaj uchakuxik ri cholchak rech ri ENPEVI, k’a pa le oxib’ q’ij k’a pa le lajuj q’ij rech ik’ noviembre, are rech kikaj kakitijoj le ajchakib’ ri’ chi rij rok’owsaxik ri jun wujil rech molb’al tzijol ri’ pa taq le juyub’ tinamit.

Eri Viceministro Romero xuya’ ub’ixik che we jun molb’al tzijol ri’ are karaj kumol juntir kitzijol ri winaq tinamit rech kilik ri ropanb’alil ri ya’olchajinik pa we amaq’ tinamit ri’ xuquje’ rech ketaxik nik’pa’ b’anom kowinem chakum ri’.

 “E jun uchakuxik ri’ are rech kujkowin che uk’amik uwach ri chakub’al junam retab’alil kojom pa taq nik’aj chik tinamit pa uwachulew ri’, rech kilik jas ri kina’b’alil ri winaq tinamit xuquje’ rech kach’ob’ik jas taq chi b’anow k’ax b’anom ri’ rech kaya’ b’a’ ub’ixik chi ke ri q’atb’altzij ri’”.

Eri patanel ri’ kub’ij ri are che we jun molb’al rech tzijol ri’ are kupatanij rech k’o pa saq ri chomanik kab’an chi rij ri’, rech ri ya’olchajinik pa tinamit, rech ya’b’al tzijolinem chi ke ri winaq tinamit ri’.

We jun cholchak ri’ ya’tal nim pwaqil tob’anik chi rij rumal ri komon nimatinamit pa uwachulew ri’, kojpa’ ri USAID,PNUD, UNODC, Banco Interamericano rech Desarrollo xuquje’ rumal ri Instituto Nacional rech Estadística xuquje’ rech Geografía rech México (INEGI).

Ruk’ uchakuxik ub’anikil ri cholchak ri’ are keyexik rech qas kuya’ pa retal kakojik ri ub’anikil ruk’ ri chakub’alil rajawaxik che pa le unuk’ik uwach ri tzijolil ri’, rech ri Nab’e Molb’al Tzijol pa Tinamit rech Q’atel K’axk’olil xuquje’ ri Winaqib’ kiraqom k’ax ri’ -ENPEVI 2017-, ri chomam chik kachakux ri’ pa le nab’e oxib’ taq ik’ pa jun chik junab’ ri’, rech kab’antaj kowinem k’o nim ropanb’alil kuya’ pa le junab’ 2016 pa le ya’olchajinik ri’.

Swiffy Output
COMPARTIR