Xmajtaj  ri chomanik kuk’ ri winaqil tinamit rech Villa Nueva

242

Eri nab’e molaj chomanik rech ya’b’al ub’ixik chi ke ri winaqil rech Villa Nueva chi rij uyakik ri k’ak’ Rachoch Japache’ chi’ are wa’ ub’ixik xya’taj loq chi ke kumal ri q’atb’altzij rech ri Ministerio rech Gobernación, ruk’ kitatb’enik ri Q’atb’altzij rech ri Ya’talil Winaqil ri’, ri Ajkate Q’atb’altzij chi’, ri K’amal b’e komon xuquje’ ri winaqil chi’.

Pa le riqb’al ib’ ri’ xetatb’enik ri Viceministros rech Ya’olchajinik, Ricardo Guzmán xuquje’ ri rech Q’atel k’ax ri’, Axel Romero; ri xkiya’ loq ub’ixik chi ke ri winaq tinamit chi’ chi rij ri cholchak rech uyakik ri Rachoch Japache’ chi’ rech kek’oji le ixoqib’ ri’, xuquje’ rech k’o  nimya’olchajinik kaya’taj chi’ jeri’ chi rij panoq juntir ri’ xuquje’ chi rij ri q’atel k’ax xuquje’ rech kab’an utzil che kik’aslemal ri winaqil pa tinamit ri’,

Eri e ajilol rech wa’ ri jun b’anow chomanik ri’ xetatb’en k’ut ri Procuraduría rech ri Ya’talil Winaqil, ri xkiya’ ub’ixik che ri nab’e molaj chomanik ri’ are rech kaya’ utzijoxik chi ke ri winaq tinamit ri’, rech kakik’am uch’ob’ik ucholaj ri’ xuquje’ rech kachomaxik ja chi ke q’ij kab’an jun ukab’ chik molaj chomanik ri’ rech kak’am uq’ab’il le kikaj kakiya’o loq ub’ixik ri winaq tinamit ri’.

Eri Ajkalte chi’ Edwin Escobar xtatb’enik pa le b’anow chomanik ri’ pa le xuya’ wi ub’ixik eri Ministerio rech Gobernación ri’ xinimitaj ronojel uwach ri xta ri’ che xuquje’ k’o jun b’anow ch’ob’ow rech rilik ub’antajil ri yakon nima ja ri’ chi’, ri xya’taj pa taqik rech kanimax uwach rumal ri Q’atb’altzij chi’.

Eri Gobernación xuya’ pa k’utik ri’ le k’ak’ cholchak ri’ xuquje’ ri rech jun molaj ajchajinelab’ rech chajinik kekojik xuquje’ rech e ajchajil japache’ ri’ (VTP) ri xetijoxik pa República Dominicana are rech uwach kakojik ri jun K’ak’ Taqanem pa Japache’ ri’ xuquje’ e are ri’ ke’ilowik ri ya’olchajinik chupam xuquje’ chi rij ri’.

Eri k’ak’ rachoch japache’ ri’ are rech keya’ chi’ ixoqib’ ri qas man e itzel ta ri’, ri e yowab’ ri k’o taq kal kuk’ k’a te kajib’ kijunab’ ri’ xuquje’ rech keya’ chi’ ri’j taq winaq che k’o tojb’al kimak ketajin wiri’.

Eri Viceministro Guzmán xkub’isaj ub’ixik che aretaq kayak le Rachoch ri Japache’ chi’ rech Suk’umab’al ri’ qas k’o b’a’ kub’sib’al k’u’x ya’olchajinik kab’an chi’ rech kaq’ansax kajilab’al ri eqa’lenelab’ chajinik chi’ rech PNC xuquje’ k’o ri’ jun Subestación kakoj chi’.

Eri Viceministro Romero xuk’is ub’ixik che ri chomam ri’ pa le nab’e mul uwach chomanik ri’ are rech ketzijon kuk’ ri winaq tinamit chi’ are rech b’a’ kato’ik jas ri kakib’ij loq, xuquje’ rech kaya’ ub’ixik chi ke che ri winaq tinamit ri’ are utz k’o ri kakich’ojij pa usaqil ri’ rech pa utzilem kab’an ri chomanik ri’ xuquje’ are wari’ k’o pa ujikomal ri’ xuquje’ are wari’ kanimax uwach ri’.

Pa le keb’ q’ij rech ik’ marzo are chi’ kab’an ri keb’ mul uwach chomanik ri’ rech kak’am uq’ab’il ri kakiya’ loq ub’ixik ri winaq tinamit rech Villa Nueva.

 

COMPARTIR