Xmajtaj ri Kichomaxik pa Tinamit ri ak’alab’ kuk’ ri alab’om alitom ri’

301

Rumal k’ut kach’ob’ik che k’o jun nim k’axk’olil ri’ chi ke taq ak’alab’ pa we amaq’, eri k’amal b’e chomanik rech ri Taqawokaj pa Amaq’ ri’, rech ri Cooperación Internacional xuquje’ rech ri Nuk’wokaj Winaqilal ri’, xetatb’en pa le nab’e molin ib’ rech Kichomaxik pa Tinamit ri Ak’alab’ xuquje’ ri Alab’om Alitom ri’.

We jun riqb’al ib’ ri’ are xchomax rumal le Comisión kech taq Ak’alab’ rech B’anb’al Taqanib’al pa Amaq’ xuquje’ rech ri Jawinaq rech ri Q’atb’altzij Ya’talil Winaqil, chi’ k’u ri’ xtatb’en wi ri Ministerio rech Gobernación, ri Viceministro rech Q’atel K’ax ri’, Axel Romero; ri K’amal b’e rech ri Comisión Nacional kech taq Ak’alab’ kuk’ Alab’om Alitom ri’ rech ri Consejo Nacional rech K’iyemal pa Tinamit xuquje’ pa Juyub’ ri’.

Rech xb’antaj kowinem xwok uwach ri b’anow chomanik ri’, eri Diputado Walter Felix, K’amal b’e rech ri Comisión kech Ak’alab’ xuquje’ rech Jawinaq, k’o jun k’utb’al xkib’an che kita’ik ri ak’alab’ kuk’ ri alab’om alitom rech kekowinik ketatb’enik pa taq jalajoj taq komonb’al chomanik rech ri winaqilal ri’, are rech b’a’ eri uwachtzijonem kakoj pa le cholb’al uwach chomanik pa tinamit ri’, xuquje’ are rech katzukux uwach ri oxib’ uwach taqanib’al pa we amaq’ ri’ rech kajuch’ uwach ri nuk’chomanik pa tinamit che ri pa aninaqil rech kachomaxik ri nima’q k’axk’olil tajin kakik’ulmaj ri taq ak’alab’ ri’.

Eri Viceministro Romero, xuya’ ub’ixik che kumaltyoxij ri cholchak ri’ che ri B’anol Taqanib’al ri’, rumal umajtajik ri jun b’anow chomanik rech kaq’ansaxik ri tzijonem ri’, rumal ri’ eri K’amal b’e rech ri Komon Chomanik ri’ are uchak upatan ri’ kuwok uwach we jun b’anow uchomaxik tinamit ri’ xuquje’ are kuterenb’ej rilik rech kab’an utzil chi ke ri taq ak’alab’ kuk’ alab’om alitom ri’.

“Kaqata’ uwach ub’anik ri chomanem ri’, are wa’ kaqab’ij uj che k’o k’i kuchokonsaj ri’ pa le Komonb’al Chomanem ri’ che ri kuya’o we kamik utz taq chakub’al rech kab’an nik’aj chik ub’anikil chomanik ri’”.

Eri Q’atb’altzij Jorge de León Duque xuya’ ub’ixik che katajin reyexik ri ch’ob’ow cholchak ri’ rech katzukuxik ub’anik pa komonchak uchomaxik ri’ rech kanimaxik ri ya’talil winaqilem chi ke ri ak’alab’ ri’, are wari’ qachak qonojel ri’, kaya’ jun utz ub’e kik’aslemal ri’.

 

COMPARTIR