Eri Uro’ Viciministerio Antinarcótico xumaj pa taq le tinamit rech Ixchiguán xuquje’ Tajumulco pa le juyub’ tinamit rech San Marcos resaxik ri ichaj rech amapola ri’.

K’a pa taq ri nab’e taq kajb’al k’o jun wokaj eqa’lenelab’ rech ri PNC xuquje’ jun wokaj rech ri e ajchajil amaq’ Iximulew ri’ xkimaj ri kichak patan pa le Aldea Tuichán, Ixchiguán, resaxik rech kachupisax uwach k’i uwach taq tiko’n rech amapola ri’.

Eri Viceministro Antinarcótico Oscar Dávila xub’ij che are wa’ le nab’e resaxik ri ichaj maj pa usaqil ri’ kesax pa we junab’ chi’ rumal ri ch’ojinik k’o chi kuwach ri tinamit rech Ixchiguán xuquje’ Tajumulco.

“E jun ya’olchajinik ri’ are xchomatajik aretaq eri wokajil ajchajinelab’ xekowinik xe’ok che ya’olchajinem tzukunik pa taq le tinamit ri’ pa keb’ wuqq’ij kanoq”, xcha’ ri Dávila.

[Enlace] #AcciónPreventiva# ViceDávila
Eri Viceministro Oscar Dávila xuya’ utzijol chi rij ri nab’e resaxik le ichaj rech Amapola chi’, pa le Aldea Tuichán, San Marcos.

Pa ronojel ri juyub’al ri’ ub’i’ kab’ixik Triángulo Norte rech ri amapola, ri wokotal uwach kumal taq le tinamit rech Ixchiguán, Ixquisis xuquje’ Tajumulco, kab’ixik che chi’ k’o wi nima’q taq peraj juyub’ rech taq tiko’nib’al ri ichak ri’ le maj pa usaqil ri’.

“Eri tajin kaqilo che are wa’ jun utzalaj chak patan katajin chi’ xuquje’ kojtajin che reyexik rech man k’ot b’a’ ch’oj kak’ulmataj kuk’ ri winaqilal chi’ jacha’ pa taq nik’aj chik q’ij ri’”, xcha’ ri Dávila.

Eri Viceministro xutzijon kuk’ ri winaq tinamit chi’ rech xub’ij chi ke che kakinimaj k’ut ri taqanem ri’, xa’rumal k’ut are wari’ maj pa usaqil, rech kakit tane’ xuquje’ rech kapoq’sax tane’ ri ukotz’i’j ri amapola xa’rumal chech ri’ kesax wi ri ukiy rech kab’an hero’ina chech ri’.

COMPARTIR