Xmajtaj chak chomanik kuk’ ri k’amal b’e rech komon rech Mixco

103

Eri k’amal b’e kech komon winaqib’ rech Mixco xchomataj kumal kek’oji pa chomanik kuk’ ri q’atb’altzij rech Ministerio rech Gobernación xuquje’ ri Wokajil Ajchajil Tinamit (PNC), rech ya’b’al ub’ixik che uwach chakunik kab’an ri’ pa le q’atenik b’anow taq k’ax ri’.

Pa le riqb’al ib’ chomanik ri’ xetatb’enik ri Viceministro rech Q’atel B’anow K’ax, Axel Romero, rachi’l ri ajq’atal chal rech ri Unidad rech Prevención Comunitaria rech q’atel b’anow k’ax (UPCV), Juan Orozco xuquje’ ri Subdirector rech q’atel b’anow k’ax rech ri PNC, José Antonio Tzuban, ri xkito kiqul kitziij ri k’amal b’e chi’ ri xkiya’ loq ub’ixik che sib’alaj kikaj kakoj ri cholb’al chak ri’ q’atel b’anow k’ax pa katinamit ri’.

Pa le molin ib’ chomanem ri’ eri Luis Carpio, K’amal b’e rech ri Ya’olchajinik pa Uq’ab’tinamit rech Fraijanes, k’o jun k’utb’al xub’an chi’ chi rij ri cholb’al chak ya’olchajinik rech q’atel k’ax ub’anom chi’, ri are ri’ xchomatajik pa jun komon b’anow chomanem ri xetatb’en wi konojel taq ri komon rech uq’ab’tinamit ri’ xuquje’ ruk’ kitatb’enik kitob’anik xuquje’ ri kak’utijonik ri PNC xuquje’ ri UPCV ri’.

Eri Viceministro Romero xuya’ ub’ixik che sib’alaj kumaltyoxij chi ke ri komon xeb’anow ri riqb’al ib’ chomanik ri’, rumal are wari’ kuya’ pa retal jun b’anow chomanik kuk taq ri komon chi’, eri nim kupatanij ri’ are ruk’ wa’ kab’an uk’amik ub’eyal ri cholchak kab’an chi’ ruk’ kanima’ kachomanik ri tinamit ri’.

Xuquje’ xuya’ ub’ixik che ri chakunem rech q’atel k’ax ri’ are sib’alaj k’ax uchakuxik ri’ xa’rumal rajawaxik b’a’ konojel ri uwinaqilal pa komon ri’, kojpa’ ri ja winaqil e achalalil ri’ e are jun ri’, xuquje’ we jewa’ kab’anik kumaj ta k’ut k’i pwaqil chakub’al ri’ xaq xu’ wiri’ are karaj kakiya’o kanima’ che umajik ri chak patan ri’.

 “Are wari’ jun nab’e uwach riqb’al ib’ kuk’ ri komon chi’ rech ya’b’al uchomaxik ri jun k’axk’olil chi’, rumal ri’ katerenb’exik ri b’anow chomanik kuk’ taq ri komon xuquje’ pa komon k’ut kachomaxik ri’ rech uya’ik jun utzalaj b’anow ya’olchajinik pa taq le juyub’ tinamti ri’ xuquje’ rech kakoj uchakuxik ri cholchak rech q’atel b’anow k’ax chi’”, xcha’ ri taqawokajnel ri’.

Swiffy Output
COMPARTIR