Xmajtaj katijoxik rech ke’ok che nim kipatan pa le PNC

351

Are rech b’a’ katoq’ixik rech kakitijoj kib’ pa nimatijob’al ri eqa’lenelab’ rech ri Wokajil Ajchajil Tinamit (PNC), eri viceministro rech ya’olchajinik, Ricardo Guzmán, ri k’amal b’e rech ri PNC, Nery Ramos y Ramos, Karia Garrido rech ri Tijob’a rech reta’mab’alil uchomaxik tinamit rech ri Nimatijob’al rech San Carlos rech Iximulew xuquje’ ri Juan Fernando Pineda, subcomisario rech Tijob’enik xuquje’ rech Kojb’alil, xkiya’ pa umajik ri Ub’elej retal k’uttijob’nik rech raq’ansab’al keqale’nib’al ajchajil tinamit ri’, are ri’ xb’an pa le Club’ rech Oficiales rech ri PNC.

Chi ke ri xek’oji pa le tijob’enik ri’ are e wuqub’ chi ixoqib’, ri uwach taq raq’ansab’al eqale’nib’al are wa’: k’o rech ke’ok che comisario pa keb’ kipuqil XVII; K’o rech ke’ok che Subcomisarios are ri’ 20 kipuqil XXK; k’o ke’ok che Nab’e Taqanelab’ rech ri 25 kipuqil XIX; k’o ke’ok che Ukab’ Taqanelab’ 31 kipuqil XX; k’o ke’ok ukab’ Taqanelab’ 33 kipuqil XVII; rech kakija kuwach e 111 eqa’lenelab’ e chom chik ri’, ri sib’alaj kow katijoxik rech ke’ok pa le raq’ansab’al eqale’nib’al ri’.

“Eri nimib’al rech ri ya’talil winaqil rui’ ri no’jk’aslemal are ri’ kojom pa le umajik ri chak patan xuquje’ are wa’ rajawaxik kaya’ik uk’utik ri’. Maltyox b’a’ che xk’oj ri k’ak’ cholchak rech k’amb’al ri eta’manik ri’, are wa’ rajawaxik kana’tixik kab’ixik che we kakoj ri’ k’o ri’ utzalaj uwachinik kuk’ut ri’. Rumal k’u ri’ pa no’jim kakub’ kik’u’x chaqij ri tinamit, xok’ow le uq’ij ri xb’an nik’aj itzelb’anik ri’, are chi’ k’o toq’inik pwaq xb’an ri’ chi ke ri winaq xkaj xaq’aj uwach kipatan ri’, we kamik ri’ pa saqilem kujtajin che chak ri’”, xcha’ ri Guzmán.

Eri Karia Garrido rech ri Escuela rech ciencia Política rech ri USAC, xub’ij k’u ri’: “Are wa’ jun ki’kotem chuwe ri in in k’o pa le Uya’ik Kachuq’ab’ ri eqa’lenelab’ ajchajil tinamit ri’, sib’alaj k’o nim upatan ri’ kaya’ nim tob’anik che ri wokajil ajchajil tinamit ri’”.

Rumal k’u ri’ eri k’amal b’e rech ri PNC, Nery Ramos y Ramos, xub’ij che le eqa’lenelab’ kek’oji pa retal tijonem ri’ e eqa’lenel ri’ sib’alaj utz kib’anom che ri kichak patan ri’.

“Eri eqa’lenelab’ kek’oji pa le retal tijob’enik ri’ qas b’anom kicho’ik ri’, e ok’owinaq pa jun nim b’inisab’al ch’otow chi’aj chi ke xuquje’ chi rij kipwaqil kiwinaqil kipetab’al ri’, ri in weta’m che kixkowonik kiraq k’ut kixchakunik, xuquje’ are wari’ kiq’alijsaj pa le chak patan tajin kib’an ri’”.

COMPARTIR