Xmajtaj ri b’anow chomanik rech ri Nima Wokajil chomanem chi kuwach ri Iximulew xuquje’ Honduras

57

Are xa’rumal kab’an ri nab’e riqb’al ib’ chomanik rech ri Nima Wokajil rech Ya’olchajinik xuquje’ Suk’umalil (GANSEJ), chi kuwach ri Iximulew ruk’ ri Honduras, are rech b’a’ uq’atexik ri molaj b’anol taq k’ax pa taq nimatinamit ri’ xuquje’ rech kaq’atexik pa juntir b’anow k’ax ri’, rumal ri’ eri Ministro rech Gobernación, Francisco Rivas Lara, xujaq uwach ri riqb’al ib’ chomanik ri’ rech ketatb’en chi’ rajtaqo’n taq ri keb’ nimatinamit ri’ rech kek’oji pa le nimachomanik ri’.

“Rumal k’u ri’ we kamik ri’ katajin uk’exik kib’anikil ri keb’ nimatinamit ri’, ya’tal ri’ rech kajok che ajwinaqixel pa le utzijolil ri qatinamit ri’, ruk’ jun nim rilob’al uya’ik uchuq’ab’ ri utzalaj tzijob’enik pa le keb’ nimatinamit ri’ che ri qawokom uwach ri’”, jeri’ xuya’ ub’ixik pa le k’ulunem rumal ri’ Rivas Lara.

Xub’ij chik che ri riqb’al ib’ b’anom ri’ kumal ri K’amal b’e Amaq’ rech ri keb’ taq nimatinamit ri’ are kutaqom unimaxik kakojik ri ub’eyal taq cholchak rech kaq’atexik ri elaq’nik toq’inik pwaq ri’, ri keleq’axik winaq ri’, ri b’anow taq kamisanik, ri poq’san pwaq meb’ilem, ri k’ayin awan kunb’alil ri’, ri b’anow kamisanik ri’, ri k’ayin taq k’aqb’alil ri’ xuquje’ uq’atexik kuwach ri nik’aj molaj b’anol k’ax ri’.

“Eri itzelal tajin kub’an k’a pa le keb’ nimatinamit ri’, e are k’ut ketajin che b’anow k’ax we kamik pa Iximulew ri’ xuquje’ e are wa’ qaraj kek’oji chuwe’q kab’ij pa Honduras rech kakib’an chi k’ax chi’ xuquje’ chi la’, rumal ri’ utz ri’ pa komonchak kiq’atexik kab’anik rech keq’atatajik ri’”.

Pa we riqb’al ib’ chomanik ri’ xetatb’en wi ri Ministros rech ri Defensa, ri viceministros rech Relaciones Exterionres, ri rech Ya’olchajinik, ri rech Tecnologías, ri rech K’amal b’e Wokajil Ajchajil Tinamit ri’, ri Secretario rech Ya’olchajinik xuquje’ ri rajtaqo’n ri nimatinamit hondureña ri k’amatil kib’e rumal ri General Julián Pacheco Tinoco, ri Secretario rech Ya’olchajinik ri’.

Junam uwach le taqim uchomaxik ri’

“Are wa’ jun nim uq’iijol chaqe uj kujchoman pa le jun riqb’al ib’ ri’ rumal k’ut kub’sib’al rilik junam uwach le taqim uchomaxik ri’ xuquje’ are jun uwach ri karayixik kachakuxik ri’”, xcha’ pa le xuya’ ub’ixik ri General Julián Pacheco Tinoco, Secretario rech Ya’olchajinik rech Honduras ri’.

Pa le riqb’al ib’ chomanik ri’ kab’an uwokik uwach ri ub’anikil le yab’al tob’anik ri’, ri ub’anikil chi kuwach ri keb’ nimatinamit ri’ xuquje’ rech pa aninaqil kachomatajik ri’ pa le jujun taq ub’antajil ri’.

Swiffy Output
COMPARTIR