Xmajtaj pa uwokajil chomanik chi rij taq ri chak rech ri Chomab’al rech Q’atenik pa Amaq’ Tinamit

116

Are kojom che ub’anik nimchomanik rech utz kak’oji pa le ub’antajil we amaq’ ri’, rumal ri’ xmajtaj pa uwokajil chomanik rech kanimaxik upatanixik ri uwach taq chakunem ya’tal ub’ixik ri’ pa le Chomab’al rech Q’atenik b’anow k’ax kamisanik pa we Amaq’ Tinamit Iximulew ri’, chi’ k’u ri’ eri Ministerio rech Gobernación pa ub’i’ kumal ri viceministros rech Ya’olchajinik xuquje’ Q’atenik b’anow k’ax ri’.

Eri b’anow chomanikr i’ ri are jun riqb’al ib’ xb’antaj ruk’ ri Ministerio Público, kuk’ ri q’atb’altzij chi’, xuquje’ kuk’ ri komon winaqilal ri’, rech katerenb’exik ri b’anow Chomanik che ri xk’am uq’ab’il ruk’ruk’ ri Ministerio Público, ruk’ ri Nimataqawokaj Taqanel pa Amaq’ xuquje’ kuk’ ri komonb’al winaqilal ri’ are rech utaqixik jun b’anow tzijonem chomanik pa komonb’al ri’ xuquje’ pa aninaqil k’ut kilotajik ri k’exnem pa taq le chak patan pa we amaq’il ri’, pa le ya’olchajinik xuquje’ rech kaq’alijinik ri k’exnem pa taq le k’iyemal ib’ pa taq le kajib’ tinamit e cha’om ri’, xcha’ ri Ricardo Guzmán.

“Eri pa ujikomal ri taqanib’alil, ri jorob’anem xuquje’ ri kub’sib’al k’u’x are jun taqkil qech uj, emu wari’ we b’it k’o kaqab’ij chaqajujunal k’ut, jas ri b’anikil che rajawaxik kaqab’ano rech ri ya’b’al tob’anik pa le ya’olchajinik kub’sib’al k’u’x ch ike ri q’atb’altzij pa taq tinamit ri’, chi ke taq ri k’amow ub’e taq tinamit xuquje’ chi ke taq ri q’atb’altzij, chi ke taq ri tzijob’en ib’ chi kuwach taq ri komon winaqilal ri’ xuquje’ chi ke taq ri wokajil rech ri Taqawokaj pa Amaq’ ri’ are wa’ kujkowin che upatanixik ri’”.

Qas kaya’taj na q’atenik b’anow k’ax pa tinamit rech Chinautla

Eri Viceministro rech Q’atel k’ax, Axel Romero xuya’ ub’ixik che ri chomanik rech q’qatenik k’ax chi’ are nim uwach uchomaxik ri’, we jun chomanem ri’ are rajawaxik ketatb’en chi rij konojel taq ri ajchomanelab’ ri’ rech kaya’ pa saqil uch’ob’ik rilik rij le ub’anikil q’atenik k’ax ri’ xuquje’ rech kaya’ pa k’utik ri jujun taq chomanik chi rij ri’ pa le jun cholchak patan pa tinamit ri’ are ri’ kamajtajik k’a pa abril rech pa we junab’ ri’, pa uwokajil ri q’atb’altzij rech Chinautla, rumal are wari’ jun chi ke kajib’ tinamit che ri chotal pa Chomab’alil ri’.

“We b’anow chomanik ri’ are rajawaxik che kukoj jun uwokik uwach jun cholchak chi rij rech ketatb’en konojel chi rij ri’ chi’ k’u ri’ k’o nim chomanik qab’anom pa k’iyalaj taq ik’ chik kuk’ ri uwokajil b’anol chomaik rech ri chomab’al uq’atexik b’anow k’ax rumal ri Taqawokaj rech Iximulew ri’, eri Chomanem pa Tinamit rech Ya’olchajinik ri’, ri Chomab’al rech Q’atel b’anow k’ax ri’ xuquje’ ri Ub’eyal Cholchak rech Kak’iyemal Winaqilal ri’”, xcha’ ri le viceministro rech Q’atel b’anow k’ax ri’.

COMPARTIR