Rech b’a’ uya’ik utzijoxik chi ke ri winaq tinamit e aj iximulew ri’, ri kichak patan tajin kakib’an ri eqa’lenelab’ rech pa uwokajil ri Ajchajil Tinamit (PNC), rumal ri’ are wari’ xkoj pa le Parque rech ri Industria rech pa le Kanimaq’ij ri e Ajchajil Tinamit ri’.

Chi’ k’u ri’ eri winaqil e aj iximulew ri’ ya’tal ri’ chi ke rech kakesaj chi’ ri wujilal rech antecedentes policíacos ri nab’e ri’ kakitoj pa le pwaqb’al ja ri’, rech te k’u ri’ kakik’exo ri wujilal rech b’inisab’al ch’ich’ ri’.

 “Uj k’o k’ut che kanimaxik kilik ri winaq tinamit ri’ xa’rumal k’ut uj k’o pa chak chi’ pa le nimaq’ij ri’, ri keb’ q’ij kanajtib’ pa le parque rech ri Industria ri’, “ xcha’ ri José Antonio Tzuban, subdirector General rech pa uwokajil Q’atel k’ax rech ri PNC ri’.

Rumal ri’ eri Ottoniel Sandoval, k’amal b’e rech ri Wokajil Ajchajin pa K’utb’e rech ri PNC, xub’ij che e k’o chi’ rech kakiya’o utzijoxik chi ke ri winaq tinamit e aj iximulew ri chak patan tajin kakib’an pa taq nimab’e ri’. Xuquje’ choman chik rech e k’o ajb’ixonel ajq’ojomanelab’ rech ri PNC ke’opan chi’.

COMPARTIR