K’o molaj chomanelab’ kakoj na pa le choman kojb’al Japache’ pa Villa Nueva

146

Aretaq xb’antaj ri molin ib’ chomanik kuk’ ri diputados rech ri Comisión rech Derechos Humanos rech ri Taqawokajil rech B’anol Taqanib’al pa we Amaq’il xuquje’ kuk’ ri k’amal b’e chomanel rech taq komon winaqilal e k’o panoq chi rij ri juyub’al ri Guatel, chi’ ri tajin wi uchomaxik kayakik ri jun k’ak’ Japache’ chi’, rumal ri’ eri viceministro rech Q’atel B’anow K’ax, Axel Romero, xuya’ ucholaj ub’ixik che nimam ri’ ri utaqib’al ri q’atb’altzij chi rij utanab’axik ri yakonik rumal ri q’atb’altzij pa Villa Nueva.

 “Xilotaj juntir ri q’axan chomanik chi rij ri’ rumal ri’ kojtajin che ucholajisaxik ronojel ri qawujil chi rij ri’ xuquje’ keye’m kujsik’ixik pa le Q’atb’altzij rech Ya’talil Winaqil (PDH), rech kachomaxik kakojik ri ajkomon chomanem rech k’o kachomatajik ri’”, xcha’ ri Romero.

Chi rij ub’anikil rech kak’ex uwach ri cholchak ri’ eri viceministro xkub’isaj ub’ixik che ri Mingob ri’ katajin che uch’ob’ik ri nik’aj chik uchomaxik ri’, xuquje’ eri nim k’o kupatanij ri’ eri cholchak rech k’exnem uwach ri Wokajil Japache’ ri’ kachakux na uwach ri’.

 “Kojtajin k’ut chi rilik we k’o utz ub’eyal nik’aj uwach q’axnik ri’ xuquje’ k’o nik’aj chik cholchak katajin junam uchakuxik pa uwach ri’” xcha’.

Ri Romero xub’ij che kamajtaj jun b’anow q’axnik rech ya’ltzijolil rech kuk’ taq ri komonb’al winaq ri’ ri man k’ot chomanik b’anom na kuk’.

Ri komonchak ri’

Eri kichomaxik ri ajb’anow k’ayinik pa le Sexta, eri Romero xub’ij che k’o jun nim chomanik xmajtaj ri’ chi kij ri’ xuquje’ eri katajin ri b’anow ch’ojinik xcha’a’w panoq kuk’ ri q’atb’altzij rech pa nimatinamit ri’.

 “Eri man utz taj kaqil uj eri b’anow ch’ojinik ruk’ iwal xkib’an ri e ajk’ay kuk’ ri ajchajinelab’ rech q’atb’altzij ri’, xuquje’ man utz ta kaqilo ri b’anow k’ax chi’ are wa’ kujna’w che uq’atexik ri’”, xcha’ ri Viceministro rech Q’atel B’anow K’ax ri’.

Swiffy Output
COMPARTIR