Eri Iximulew Nimatinamit xok’ow uwi’ rajilab’al awan kunb’alil uraqom pa le uk’isb’al juwinaq junab’ chik

475

Ruk’ b’a’ 12,427.2  pajb’alil awan kunb’alil maj pa usaqil xraqatajik pa le 2016 ri’, eri Iximulew Nimatinamit ri’ xok’ow uwi’ rajilab’al ri awan kunb’alil xuraqo pa le juwinaq junab’ ri’. Are wari’ xkiya’o ub’ixik ri Subdirección General rech Análisis rech Información Antinarcotica (SGAIA) rech ri Wokajil Ajchajil Tinamit  (PNC) xuquje’ kuk’ ri Ajq’atol tzij rech ri Ministerio Público xkiya’o ub’ixik che xb’antaj kowinem xkajilaj 82 chi koxtar xeraqataj pa keb’ taq jukub’ ri xechapatajik pa uwi’ plow ri’ kumal ri Fuerza Especial Naval pa le Océano Atlántico ri pa ronojel ri’ xekowinik xkiraqo 1,637 chi pajb’alil rech ri awan kunb’alil ri’ rumal ri’ e kajib’ chi achijab’ hondureños xechapataj k’u ri’.

Eri Jorge Aguilar Chinchilla, ajtzijolinel rech ri PNC, xuya’ ub’ixik che k’o 1,637 upajb’alil ri cocaína qas k’o pa uch’ajch’ojil xraqatajik ri’, junam ruk’ Q.168 millones 188 mil 244, are wari’ xraqatajik chi ke kajib’ achijab’ ri xeraqik aretaq e b’enaq pa keb’ jukub’ tiburoneras ri k’o rajilab’al retal che rech pa we amaq’ tinamit Iximulew ri’ pa uwi’ ri océano Atlántico kumal ri Fuerza Especial Naval ri’.

Eri winaq xechap chi rij ri’ e are k’ut: a Walter Orlando Portillo Portillo, 34 ujunab’; a José Miguel Andrade Saldivar, 26 ujunab’; a Jeyson Julian Avila Suazo, 21 ujunab’; xuquje’ ri a Zablo Amilcar Portillo Portillo, 42 ujunab’ ri’.

Eri ub’anikil ri jukub’ ri’

Eri q’atb’altzij xkiya’o ub’ixik che k’o 50 tulas ruk’ awan kunb’alil xraqatajik pa jun jukub’ pa uwi’ ri plow ri’ k’o 32 chi koxtar chupam ri’ le xa’ xeya’ kanoq pa jun chik jukub’ chi’.

K’i k’ut le xraqatajik

We kamik ri’ eri SGAIA-PNC xuya’ ub’ixik che pa le 2016 k’o 12,427.2  upajb’alil cocaína junam ruk’ ri rajil ri’ are Q.1,276,793,508 are wari’ ri rajilab’alil qas ok’owinaq uwi’ che ri awan kunb’alil ri’ xraqatajik pa le k’isb’al taq juwinaq junab’ ri’.

Eri awan kunb’alil xraqatajik pa Izabal ri’ are xk’am b’ik pa nimatinamit aretaq xpis b’ik kumal ri e ajchajil tinamit kuk’ ri e ajq’atol tzij antinarcóticos ri’.

COMPARTIR