Katajin tzukunik chi kij ri xeb’anow k’ax chi ke ri taq ak’alab’ pa San Juan Sacatepéquez

241

Eri Ministro rech Gobernación, Francisco Rivas Lara, xuya’ utzijol che e k’o jun molaj ajtzukunelab’ ketajin che utzukuxik uwach ri b’anow k’ax xb’an chi ke taq ak’alab’ che ri e kaminaq chik xeraqataj iwir k’ut pa San Juan Sacatepéquez.

“We kamik ri’ kojtajin e k’o jun molaj ketajin che utzukuxik uwach ri b’anow k’ax ri’, chi rij taq ub’anikil ri k’ax xb’antaj ri’”, xcha’ ri Rivas Lara.

Xuquje’ eri taqawokajnel ri’, xkub’isaj ub’ixik che katajin b’anow tzukunik chi rij ri’ kumal ri ajchajil tinamit che ri keraqataj chi’ kuk’ ri keraqataj panoq ri’.

Tajin xqaj loq uchuq’ab’ ri b’anow k’ax kamisanik ri’

Xuquje’ eri taqawokajnel ya’olchajinik pa amaq’ ri’, Francisco Rivas Lara, xuya’ ub’ixik che pa le wuqq’ij ri’ xya’taj ub’ixik rumal ri terenb’al ilol tzijol pa tinamit che tajin xqaj loq uchuq’ab’ ri b’anow k’ax pa we q’ij ri’, en k’u ri nik’aj uwach b’anow k’ax tajin xaq’an ri’.

Chuwach k’u ri’, xub’ij che katajin jun ub’eyal cholchak rech uchomaxik kaq’atexik ri b’anow k’ax ri’, xuquje’ eri k’exnem ri’ are kuk’ex uwach kib’anikil ri nik’aj molaj b’anol k’ax rumal ri tzukunik katajin chi kij ri’, are rech b’a’ keq’atexik ri elaq’omab’ e ajtoq’inel pwaq ri’, ri kakeleq’aj winaq ri’, nuk’ nik’aj chik uwach b’anow k’ax ri’.

COMPARTIR