Pa k’isb’al wuqq’ij ri’ k’o keb’ uwach raqon awan kunab’al xb’antaj ri’ are 2 mil 119 pajb’alil cocaína ri’.  Eri nab’e xraqatajik pa le Km. 198, El Palmar, Xe’laju’; chi’ k’ut xraqataj wi pa jun ch’ich’ rech eqa’nib’al ri’ chupam k’ut xraqataj wi 1 mil 448 kilos xuquje’ eri ukab’ chik xraqik are 671 pisb’alil rech ri awan kunab’al ri’, are ri’ xraqik pa le Km. 331, Aldea El Zapote, La Democracia,  chinab’jul ri’.

Rumal ri’ eri Ministro Rivas Lara xub’ij che we kamik k’o pa utzijolil ri awan kunab’al ri’ xraqatajik pa le k’isb’al taq q’ij ri’ are ri’ rech jun molaj b’anow k’ax ri katajin tzukunik chi rij ri’.

“Eri xraqatajik ri’ k’o nim upetib’alil ri’ pa we amaq’, xa’rumal are ri’ jun nim k’isb’al raqow xb’antajik pa le uk’isb’alil wuqub’ uwach junab’ ri’, katajin k’ut ub’inisaxik ri tzukunem chi rij ri’ are rech kilik jas ub’anikil ub’antajil ri upetik wiri’, rech kach’ob’ik kuwach le winaq e ajmak chi rij ri’, are rech kataq utayik pa q’atb’altzij ri’ rech kechap loq ri’”, xcha’ ri taqawokajnel ri’.

Xuquje’ rumal awan utzijoxik ri’ man kya’ tana ub’ixik kuwach kib’anikil nik’aj b’anol k’ax e ajmak chi rij wa’, e are ri’ katajin tzukunem chi rij ri’.

Ruk’ wa’ le nim awan kunab’al xraqik we kamik ri’ eri raqom pa ronojel pa we amaq’ are ri’ 7 mil 996.5 chi pajb’al awan kunab’al ri’ are wari’ ok’owinaq chi uwi’ rajilab’al chuwach le b’anom kan pa taq le junab’ ok’owinaq chik.

COMPARTIR