Katzukux na ri ma utz ta kib’anom jun molaj ajq’atol tzij ri’

192

Rumal k’ut k’o jun cholkib’i’ ajq’atol tzij ri’, xraqataj pa jun uwo q’ijb’al rech ri Kamikal, pa jun tzukunik xb’antaj kumal ri Ajchajil Tinamit ri’ (PNC) xuquje’ kumal ri Q’atol tzij rech ri Ministerio Público pa San Miguel Petapa xuquje’ pa Villa Canales, katzukux na ri’ kuwach rech kilik jas che xraqataj kib’i’ chi’, je ri’ xuya’ ub’ixik loq ri Ministro rech Gobernación Francisco Rivas Lara.

“Qastzij b’a’ xraqataj jun uwo q’ijb’al che ri itzel kamikal ri’, rech q’ijb’al che ri b’anow xib’inik ri’ xuquje’ chi’ k’ut xraqataj wi kib’i’ jun molaj winaq e ajq’atol tzij ri’ kab’ixik are kib’i’ k’o chupam ri’ are kib’i’ taq ajtzukunelab’ rech ri PNC xuquje’ e rech taq Q’atb’altzij ri’, xuquje’ k’o kib’i’ taq winaq xuquje’ kib’i’ taq wokajil rech chak patan ri’”, xcha’ ri Rivas.

Xuquje’ are xuya’ chi k’ut ub’ixik che ri winaq e ajkojol rch ri uwo taq itzel q’ijb’al ri’, keta’m k’ut kuwach chinaq ri e ajq’atol tzij ri’ che ri kakib’an taq tzukunik ri’, che k’o chak patan kakib’an chi rij taq ri b’anow q’atoj tzij pa taq q’atb’altzij ri’ pa le q’atenik chi ke ri nik’aj molaj b’anol k’ax ri’.

“Rumal ri’ kojtajin k’ut che umolik ronojel taq uwach q’alajisab’al rech ri’ rech kya’taj pa saqil ronojel uwach taq tzijol chi rij ri’ rech kach’ob’ik che qaraj are wa’ b’anow itzel chak kumal nik’aj mola b’anol k’ax ri’”.

Eri Rivas xuya’ ub’ixik che ronojel wa’ k’o pa b’anow tzukunik chi rij ri’ rech kilik jas chi’ upetik ri b’anow k’ax ri’, chinaq chi ke molaj b’anow k’ax xkib’an ri’ rech kilik jas chi’ xakik’amo wi kib’i’ taq ri winaqil ri’, “xuquje’ we chi’ k’o kib’i’ taq ajchak rech taq taqawokajil ri’”.

COMPARTIR