Eri Japón ruk’ Brasil pa komon ri’ keto’nik che ri PNC pa le cholchak rech Chajinik chi ke Winaqilem ri’

60

Eri q’atb’altzij rech ri Wokajil Ajchajil Tinamit (PNC) xemolin kuk’ ri k’amal b’e rch ri Cooperación Internacional rech kaketaj uwach ri chakum chik pa le k’uttijonem chi ke ri eqa’lenelab’ rech ri Wokajil Ajchajil Tinamit ri’ rech ri Nimkojb’al Reta’mab’alil ri Policía Comunitaria ri’.

Eri cholchak rech Policía Comunitaria are katzukun rech jun molinem kuk’ ri winaq tinamit rech kakub’ kik’u’x’ chi ke ri PNC pa kiwokajil ri’ xuquje’ are rech kab’antaj k’owinem rech utzalaj uq’atexik b’anow k’ax kamisanik ri’.

We jun cholchak ri’ are katajin upatanixik pa we amaq’ ri’ maltyox che ri Agencia rech Cooperación Internacional rech ri Japón ri’ (JICA), eri Policía Militar rech ri Estado rech Sao Paulo xuquje’ ri Agencia Brasileña rech Nimatob’anem, che ri kiwokom uwach ri Comité rech Komontob’anikr i’, xuquje’ e are ri’ e rajawtzij chi rij ri pwaqilem ri’ xuquje’ ri k’uttijob’enik chi ke ri eqa’lenelab’ rech ri Wokajil Ajchajil Tinamit ri’.

Eri ukab’ k’amal b’e rech ri PNC, Carlos Lemus, xuya’ ub’ixik che nimalaj kaki’kotik kurilo we jun tob’anem che ri katajin uya’ik che rumal ri Japón xuquje’ Brasil ri’ rumal k’ut qeta’m che ri kib’anikil ri e ajchak are qas k’o nim upatan pa taq le wokajil ri’.

“Uj k’o ri’ ruk’ ri nim kojb’el rech ri Policía Comunitaria pa Iximulew ri’, rumal k’ut qeta’m ri’ che man k’ot jun ub’anikil rech uq’atexik ri molaj b’anol taq k’ax ri’ pa le cholchak q’atel k’ax ri’, ruk’ uk’amik kikub’sib’al kik’u’x ri winaq tinamit ri’ pa le wokajil ri’”, xcha’ ri Lemus.

Eri kojb’al rech ub’antajil reta’mab’alil ri Ajchajin Winaqilem ri’ k’o utob’anik ri Policía Militar rech Sao Paulo, ri are wa’ kakojik ruk’ jun cholb’al chakunem pa Brasil ri’ xuquje’ are k’o pa reqale’nib’al kek’utijoj ri e ajchak ri’, ri Taqanelab’ xuquje’ ri eqa’lenelab’ che ri kekojow rech we eta’mab’alil ri’.

Xuquje’ are k’o chik utob’anik pwaqilem rech ri JICA, eri Seiji Tomiyasu, K’amal b’e chi’, kub’ij che katajin uto’ik ri iximulew ri’ k’a pa 20 junab’chik ri’, rumal ri’ ukub’sim uk’u’x che ri jun k’iyemal pa we amaq’ ri’ eri ya’olchajinik ri’ are k’o nim kupatanij ri’.

“Eri Japón k’o chik uk’aslemam che ri b’anow chal rech chajinik chi ke winaqilem ri’ jacha’ ri reta’m qachomab’al uj xuquje’ ri rech Brasil, uj k’o pa le chakunem rech tob’anem ruk’ Iximulew ri’”, xuk’is ub’ixik ri Tomiyasu.

COMPARTIR