Eri Taqanelab’ rech taq ri Comisarías pa keqale’n kak’oji wi ri Komonb’alil rech K’iyemal ri’

193

Eri taqanelab’ rech taq ri comisarías rech ri Wokajil Ajchajil Tinamit (PNC), xetatb’en pa jun k’uttijonem ri’ rech uya’ik uchuq’ab’ ri keta’mab’alil pa ub’anikil e ajchomanelab’ ri’ chuwach ri Consejo Departamental rech K’iyemal chi rij ri kichak kipatan pa le ub’antajil kitatb’enik winaqilal ri’ pa le unimaxik uwach ri kichak kipatan ri’.

We tijonem ri’ are kab’anik ruk’ uchomanik ri Urox Viceministerio rech Q’atel b’anow k’ax ri’, rech taqim usuk’umaxik ri cholupam kekowin che ub’anik uchakuxik ri’ le taqanelab’ pa taq ri comisarías rech pa we amaq’ ri’, rumal k’ut are kipatanil xekoj wiri’ jacha’ e k’amal b’e chomanelab’ rech ri Ministerio rech Gobernación jacha’ ri q’atam chik pa le Taqanem rech ri Consejos rech K’iyemalil pa taq Tinamit xuquje’ pa taq Juyub’ k’olib’al ri’.

“Pa we junab’ ri’ ruk’ ri Ministro rech Gobernación, Francisco Rivas Lara, xaqachomaj eri chomanik ri’ are rech b’a’ kaya’taj chi ke ri comisarios, ri taqanelab’ rech taq ri Comisarías jacha’ ri k’amal b’e chomanik rech ri Ministerio rech Gobernación chi kuwach taq ri Consejos Departamentales”, xcha’ ri Viceministro Axel Romero ri’.

Sib’alaj rajawaxik kaqaya’o utzijol ri utatb’enik ri PNC pa le Consejos rech K’iyemal ri’ rech uwa’lijsaxik jun molin ib’ chomanik pa le uk’amik ub’eyal b’anow chomanik pa taq tinamit ri’ xuquje’ pa le komonb’alil pa le taqawokajil pa le jalajoj taq ub’antajil ri’.

Pa le nimriqb’al ib’ ri’ xuquje’ xetatb’en wi ri Subdirector rech Q’atel k’ax rech ri PNC, José Antonio Tzuban, ri Comisario Mauricio Yax rech ri K’amow ub’e Ub’eyal B’anow Cholchak ri’ xuquje’ rech ri Uk’iyemal Taqawokajilal ri’ xuquje’ ri Carmen Rosa de León Escribano, pa ub’i’ ri Instituto rech B’anow Tijonem rech ri Ula’wchixik uwach K’iyemal ri’ IEPADES ri’.

Eri Carmen Rosa de León rech ri Sociedad civil xub’ij are sib’alaj rajawaxik kaya’ uchuq’ab’ ri kitatb’enik ri Wokajil Ajchajil Tinamit pa taq le Consejos ri’ rech kub’an utz che ri rachib’al ri wokajil ajchajil tinamit ri’ xuquje’ rech utz kakil le winaqilal ri ya’olchajinik ri’.

“Are sib’alaj rajawaxik eri Comisarios kaketa’maj jas le ub’anikil kab’an che ri Consejos rech Desarrollo ri’, le rilik ujachik uwach le kichak patan ri taqawokajil ri’ xuquje’ ri kupatanij ri’ xuquje’ are rech kuk’am ub’eyal ri ub’anikil ya’olchajinik winaqilal ri’”, xcha’ ri de León Escribano.

Eri Viceministro Romero xub’ij che we jun jamalil ya’talil ri’ are kuya’ kowinem pa kiq’ab’ ri Comisarios rech utz kakipatanij ri keqale’nib’al ri’ jacha’ e ajchomanelab’ rech ri Ministerio rech Gobernación chi kuwach taq ri Consejos rech Desarrollo ri’.

“Are pa we q’ij ri’ che rajawaxik b’a’ kaya’ jun kowinem pa kiq’ab’ ri wokajil ajchajil tinamit ri’ pa taq le Wokom Patanelab’ rech taq Tinamit ri’ xuquje’ rech ke’ok pa le k’amow ub’e taq ri wokajil chomanem rech ya’olchajinik ri’ ri kuya’o utzalaj taq b’anikil pa taq le chak patan ri’ xuquje’ pa taq le chak patan rech q’atel b’anow k’ax ri’”, xcha’ ri Romero ri’.

 

COMPARTIR