Eri Komon K’amal b’e rech CNNA e are jun pa taq le cholchak rech ketob’anik chi ke taq ak’alab’ ri’

67

Are rech b’a’ katoq’axik upatanixik ri cholchak rech ya’b’al tob’anem utzil chi ke ri ak’alab’, eri Viceministro rech Q’atel b’anow k’ax, Axel Romero xuquje’ are k’amal b’e rech ri Comisión Nacional rech Ak’alab’ xuquje’ Alab’om alitom ri’ (CNNA), k’o jun riqb’al ib’ xub’an kuk’ ri k’amal b’e chomanik rech taq wokajil winaqilal ri’ rech kawok uwach ri cholchak kuya’ utzilem chi ke ri ak’alab’ xuquje’ alab’om alitom pa le Chomab’al Tinamit ri’.

Eri Romero, xutzijoj che k’o k’i taq b’anow chomanik xkib’an ri’ pa le kito’ik ri ak’alab’ kuk’ ri alab’om alitom e aj iximulew ri’.

“Jun chi ke ri’ are wokom uwach ri CNNA rech b’a’ kachomam chi rij ri ub’anikil Chomab’al Tinamit pa le kito’ik ri ak’alab’, ri k’ak’ taqanem, ri uwach taq chomanik chi rij utzukuxik ri chokonsab’al rech kakoj pa le chomanik chi rij ri ak’alab’ ri b’anom kichomaxik rumal ri Congreso rech ri Amaq’il ri’ xuquje’ rumal ri Q’atb’altzij rech ri Ya’talil Winaqilal ri’ xuquje’ ruk’ ri COPREDEH pa ka’mulim uwokik uwach b’anow chomanik chi rij ri’.

Xuquje’ eri viceministro xutzijoj che pa unik’ajil chi ke ri winaq tinamit e aj iximulew ri’ k’a te 18 kijunab, rumal wa’ xkub’isaj ub’ixik che ri ub’anikil chomab’al ri’ are rajawaxik kusik’ uwach jun nukwokaj rech b’anow tz’aqatil chomab’al jacha’ ruk’ jun nuk’wokaj ya’b’al tob’anik ri’.

K’o nimalaj chak patan katajin ub’anik kumal ri nuk’wokaj winaqil chomanik chi ke ri ak’alab’, are kakiya’o na jun utzalaj kuchib’al kech xuquje’ ruk’ nik’ajl utz ilonem chi ke ri ak’alab’ kuk’ ri alab’om alitom ri’.

COMPARTIR