Xekoj che keqale’n ri q’atb’altzij rech Sipacate

375

Eri viceministro administrativo rech Gobernación, Mario René Álvarez, xuya’ keqale’n pa taq julajuj kajb’al xya’ keqale’n ri q’atb’altzij rech ri uq’ab’tinamit rech Sipacate rech tinamit rech Escuintla.

Eri q’atb’altzij ri’ we kamik pa keqale’n chik kakichomaj konojel ri winaq tinamit chi rij taq ri ch’ob’otal chak kapatanixik chi’, xcha’ ri Alvarez ri’.

 “Man k’ot jun chi ke kesach kanoq pa le komon ri’, konojel k’ut kechakun rech ri k’iyemal pa le uq’ab’tinamit ri’. Eri ch’ob’otal chak are ri’ qas k’o nim uq’ijol chi ke konojel ri winaqil e jaqal chi’”, xcha’ ri taqawokajnel ri’.

Eri Sipacate ri’, are xok che uq’ab’tinamit pa le rajilab’alil 339 ri’ k’a pa waqib’ kanoq ri’, eri uq’ab’tinamit ri’ e k’o jo’lajuj komon winaqil chupam ri’, chi’ k’u ri’ eri rajkalte are ri’: ri Walter Orlando Nájera Gonzáles. Aj Concejal I: ri Bertha Dalila Tambito García. Aj Concejal II: are a José Luis Muralles Zepeda. Aj Concejal III: are a Casta Luz Raxón Gutiérrez. Aj Concejal IV are ri Ilcy Maricela Marroquín Mejía. Aj Concejal V: are a José Manuel Hernández.  Eri Síndico Primero: are ri Edgar Adán Velásquez. Eri Síndico II: are ri Lázaro  Linares Reyes. Eri Suplentes: Eri Síndico suplente: Rubén Cárdenas Ortega. Aj Concejal suplente primero: are ri Adolfo Baches xuquje’ ri aj  Concejal Suplente II, eri  Nora Mariela Orellana, konojel k’ut xya’taj keqle’nib’al rumal ri  Alvarez ri’.

Eri Ajkalte, Walter Nájera, xub’ij che kamajtaj yakon taq ja pa le uq’ab’tinamit ri’, “man k’ot na rachoch le q’alb’altzij ri’ xuquje’ are ri’ rajawaxik kaqayak na rech k’o kak’ob’ wi ri jachakunb’al ri’, k’a chi’ kamajtaj wi ri k’ak’ Sipacate ri’”.

COMPARTIR