K’o nim ya’olchajinik xkojik rech kaq’atexik ri b’anoj k’ax chi ke ri ajb’insal ch’ich’ erelwinaq pa nimatinamit ri’

191

Sib’alaj kanimirsaxik ri ya’olchajinik chi ke ri winaqil ri’ xuquje’ rech kaq’atexik ri b’anoj k’ax k’aqanik tajin kab’an chi ke ri ajb’insal ch’ich’ erelwinaq pa nimatinamit ri’, rumal ri’ kakojik jun nim cholchak ya’olchajinik ri’ rech katob’anik ri’, are ri’ xutaq ub’ixik ri viceministro, Elmer Sosa chi ke ri taqanel rech ri Wokajil Ajchajil Tinamit (PNC), ri xmolin kuk’ rech xchomanik ri’.

Eri Sosa xuya’ ub’ixik che we jun Cholchak Ya’olchajinik ri’, are rech kesaxik eqam k’aqb’alil ri maj pa usaqil ri’, rech k’o b’insam chajinik chi rij taq kejach’ich’ pa taq nima b’e ri’, rech kechajin che kaqan ri’, rech kechajinik pa taq ch’ich’ erelwinaq ri’, rech k’o k’olib’em chajinik rech kakitzukuj pa taq ri ch’ich’ ri’, chi ke taq ri winaq ri’ xuquje’ chi ke taq ri keb’in chi rij taq kejach’ich’ ri’.

 “Rumal ri’ xesik’isik konojel pa kiwokajil ri PNC ri’ rech kaq’axaxik ri xutaq unimaxik ri Ministra rech Gobernación, rech kaq’atexik uwach nik’aj b’anoj k’ax ri’, man xaq rech k’o ya’olchajinik chi ke ri ajb’insal ch’ich’, xane rech k’o ya’olchajinik ri winaqil ajb’inisaxel pa taq le ch’ich’ erelwinaq ri’ pa nimatinamit ri’”, xcha’ ri taqawokajnel ri’.

Xuquje’ xuya’ utziojol che chi nima b’e ya’tal wi ri chajinem ri’, chi la’ k’ut qas xk’ulmataj wi b’anoj k’ax k’aqanik ri’ pa le 2015.

COMPARTIR