K’o xechapatajik rumal elaq’nik xkib’an pa Puerto Quetzal ri’

190

Eri Otto Pérez Molina ruk’ ri Roxana Baldetti, ri xek’oji pa k’amoj amaq’ kanoq ri’, qaraj k’o kajib’ q’inomalil pwaq dólares xkik’am chi rij jun b’anoj k’ax xkib’an pa le Puerto Quetzal ri’ ri k’o chik 25 junab’ katajin che chakunem chi’, rech xya’tajik xkojik jun Tak’alib’al rech taq Kaxonach’ich’ ri’, je ri’ ub’ixik xuya’o pa le ya’ltzijolinik ri Fiscal General Thelma Aldana, ri ministro rech Gobernación, Francisco Rivas Lara xuquje’ ri Comisionado Iván Velázquez.

Xuquje’ xkiya’ ub’ixik che xa’ maltyox b’a’ che ri b’anoj tzukunem xuraq juntir ri’ utzijolil ri’ pa le uch’a’wb’alil ri ex secretario privado, Juan Carlos Monzón, xeraqatajik che e are jun nik’aj sindicatos, che k’o nim pwaq xkik’am chi rij ri’, are rech man k’ot q’eb’an ib’ xkib’ano aretaq xya’ pa qojom ri jun juyub’ ri’ pa le jun kitak’alib’al kaxonach’ich’ ri’.

Pa komonb’al taqawokajil kichapik loq

Eri ministro rech Gobernación, Francisco Rivas Lara, xuya’ ub’ixik che e k’o b’elejeb’ winaq xechapik chi rij b’anoj k’ax ri’ kab’ixik e jumulaj pa konojel ri’, ri tajin xkib’an elaq’ che ri ujastaq umeb’ilal we Amaq’il tinamit rech Iximulew ri’.

 “Pa we q’ij ri’ k’o b’a’ 20 chi tzukunem xb’antaj pa le juyub’ tinamit rech Iximulew xuquje’ pa Escuintla rumal k’i’ e k’o e 9 chi winaqil xechapik le taqom k’ut kichapik rumal q’atb’altzij ri’, ri xeraqataj ri’ pa juyub’ tinamit ri’ rumal ri’ xb’antaj kowinem xechapatajik” xcha’ ri Rivas Lara.

Xuya’ ub’ixik ri’ eri xechapataj loq e are ri’ a Gustavo Adolfo Martínez Luna, a Julio Rolando Sandoval Cano, a Lázaro Noé Reyes Mata, a Julio César Zamora Álvarez, a Julio Esquivel Orellana, a Juan José Suárez, a Jonathan Chévez, a Mario Ruano xuquje’ a José Daniel Luna Argueta eri kimak kab’ixik are choman b’anoj k’ax, b’anoj elaq’nik, poq’san meb’il pwaqil maj pa usaqil ri’, rumal b’anoj itzelb’anik ri’.

Taqom uchapik pa juntir taq tinamit pa uwachulew

Xuquje’ xtaq uchapik ri a Allan Marroquín Castillo, a William Schwank López, a Ángel Pérez Maura, a Mauricio José Garim, a Guillermo Lozano Bauer, ri keraqataj ri’ pa taq nik’aj chik tinamit naj xuquje’ ri xa’rumal eri Ministro xub’ij che xya’taj ub’ixik ri’ chi ke ri ri (INTERPOL) ri’, are rech b’a’ qastzij kechap loq pa taq ri tinamit pa uwachulew ri’.

Xuquje’ xta’ik rech kichap loq ri Achi Otto Fernando Pérez Molina rumal ri b’anoj k’ax maj pa usaqil ri’, ri k’o uwach chi rij ri’, rumal ri poq’san pwaqil meb’il maj pa usaqil ruk’ nik’aj b’anoj k’ax elaq’ ri’ xuquje’ je ri’ chi rij ri Ingrid Roxanna Baldetti Elías, rumal nik’aj b’anoj k’ax elaq’ ri’, xcha’ ri Rivas Lara.

VER PRESENTACIÓN

  • Nota: Carlos Hernández.
  • Fotografías: Doriam Morales. 
Swiffy Output
COMPARTIR