Kachomax na kak’exik ri taqanem che ri kuq’at uwach ri ya’olchajinik k’o ajtojol rech

85

Pa k’iyalaj uwach taq wuqq’ij b’anom riqb’al ib’ chomanik chi rij kuk’ ri q’atb’altzij rech ri Ministerio rech Gobernación, rech ri Dirección General rech Chak Patan rech Seguridad Privada (DIGESSP) xuquje’ kumal Diputados rech ri Comisión rech Gobernación rech pa Congreso rech pa Amaqil ri’, rech kak’ex uwach ri taqanem che ri kuq’at ub’anikil ri chak patan rech seguridad privada ri’ 52-2010.

Eri América Estrada, k’amal b’e rech ri DIGESP, xub’ij eri taqim kachomaxik pa le riqb’al ib’ ri’ are rech kek’ul uwach ri’ ri cholchak rech kuk’ex uwach ri 52-2010, “k’o juntir keb’ q’ij b’a’ rech kab’an uch’ob’ik uchomaxik ri’ xuquje’ rech kil rij ri b’iw ch’ob’otal chak ri’ che ri sib’alaj utz che ri ub’anik jun utzalaj chak patan rumal ri k’amow b’e wokajil ri’, eri uk’exik chech ri’ are kutun rib’ ruk’ ri kakichomaj ri k’amal b’e rech taq wokajil k’o ajchoq’e ri’, jeri’ jacha’ tajin kub’an ri contraloría ri’”.

Eri Napoleón Rojas, k’amal b’e rech ri Comisión rech Gobernación rech ri b’anol taqanib’alil ri’, xub’ij k’ut eri taqim kachomaxik ri’ are rech kab’an utz chech ub’anikil taqanem ri’ xuquje’ rech man k’ot k’axk’olil kuya’ chi kuwach ri q’atb’altzij rumal taq Itzelal chomab’al chi rij aretaq kab’an usolixik uwach pa taq nik’aj chik ri’.
Rumal ri’ eri Estrada kub’ij, e k’o 180 chi wokajil ketajin che chak patan ri’ xuquje’ e k’o oxib’ ketajin che uk’isik le chak patan ri’.

COMPARTIR