Kakoj jun k’ak’ K’olib’al Ya’olchajinik pa Sacatepéquez

448

Are rech kaloq’oxik ri uchak patan ri e ajchajil tinamit ri’ eri Ministro rech Gobernación, Francisco Rivas Lara, xuya’ ub’ixik chi rij ri uk’exik uwach ri rachoch ri K’olib’al rech Ya’olchajinik pa Sacatepéquez, are wari’ xchomatajik aretaq eri k’amal b’e amaq’ xkitzaq kanoq ri jun ojer ri’ chi’ che ri kejaqab’ wi ri eqa’lenelab’ rech ya’olchajinik pa taq le tinamit ri’.

“Eri uj ajq’atb’altzij man k’isom ta uuyakik ri kik’olib’al e ajchajil tinamit ri’pa Xe’laju’, pa San Marcos, pa Mazatenango, pa Coatepeque xuquje’ pa  Retalhuleu ri’,  kumal ri k’amal b’e amaq’ e ok’owinaq ri’. Are wari’ ri xchomaxik kejaq na chik ri’”, xcha’ ri Rivas Lara.

Chi rij ri comisaría rech Sacatepéquez, eri taqawokajnel rech ya’olchajinik pa amaq’ ri’, xub’ij ri’ sib’alaj rajawaxik ri’ kasach chi rij oxib’ pa jo’ob’ q’inomal pwaq ri’, chi rij ri’ eri Embajada rech Estados Unidos kuya’ ri’ 250 mil dólares xuquje’ k’o jun sipanik kaya’ rumal ri Cooperación Española ruk’ kajib’ kejach’ich’ kuya’ pa le ya’olchajinik chi ke ri winaq e wa’katel ri’.

“Xab’a’ kaqamaltyoxij ri komonchuq’ab’ chi rij ri’ xuquje’ kinya’ pa saq ri’ uya’ik ri pwaqil rech tojb’al le chak patan ri’ pa we k’isb’al junab’ ri’ are rech b’a’ pa jun chik junab’ kajaq uwach rech kamajtaj ukojik jun chik junab’ ri’”, xcha’ ri Rivas Lara.

Eri uwach we jun cholchak ri’, kab’ixik eri jun uk’olib’al ya’olchajinik ri’ are xopan rilik rumal ri viceministro rech Q’atel b’anow k’ax ri’, Axel Romero ruk’ ri K’amal b’e rech ri Wokajil Ajchajil Tinamit (PNC), Nery Ramos xuquje’ rumal le Diputado Julio César Ixcamey, ri xe’opan che rilik uwach ri k’olib’al e ajchajil tinamit ri’.

COMPARTIR