Kakoj na ri Cholchakl rech Ya’olchajinik pa le Mezquital

152

Are rech b’a’ kaq’atexik ri b’anoj k’ax xuquje’ keq’atexik kikik ri ak’alab’ kuk’ nik’aj molaj b’anoj k’ax ri’, rumal ri’ eri Ministerio rech Gobernación, pa le uchak patan ri Wokajil Ajchajil Tinamit (PNC), kakoj ri’ jun Komonb’al Cholchak rech Ya’olchajinik pa le Mezquital zona 12, ruk’ utob’anik ri Embajada rech Estados Unidos xuquje’ ruk’ utob’anik ri Q’atb’altzij rech Villa Nueva.

Rumal are uwach ri cholchak ri’ eri PNC, kechajin che kaqan xuquje’ chi rij bisiklet chi’, xa’rumal ma juntir ta pa taq ri colonias e k’o chi’ k’ot nim ta uwach ri b’e rech ke’ok tane ri ch’ich’ chi’. Xuquje’ kayak na ri’ jun Nim ja K’olib’al rech ketijox wi ke’il wi ri Ak’alab’, are rech ke’il ak’alab’ chi’ pa taq le b’anoj rech tijonik, are rech ke’al loq pa taq le tijonem ronojel q’ij ri’.

Eri Tijob’al ri’ are kak’oji pa le colonia El Éxodo rech Mezquital xuquje’ are kayakik ruk’ upwaqil ri Embajada rech Estados Unidos. Xuquje’ k’o ya’olchajinik le rajawaxik kaya’ che chi’, xa’rumal eri ajchajinealb’ chi’ kek’oji wi, e are k’ut kakib’an ri chajinik chi rij panoq ri Uk’olib’al Tijob’al ri’, aretaq ke’al che etz’anem ri ak’alab’ ri’.

Eri viceministro rech ya’olchajinem, Ricardo Guzmán xuya’ ub’ixik che chi’ k’o jun subestación rech chajinik kojom chi’ ruk’ juntir chokonsab’al rech kukojo pa le tzukunik kub’an chi kij ri ajb’anol k’ax chi’.

 “Ruk’ tijob’al chuq’ab’ chak ri’ kaq’atataj ri’ ri b’anoj k’ax kamisanik chi’. Pane’ k’ax kaqatij che kiq’atexik ri’, are ri qas kaqaj are keqesaj ri taq ak’alab’ pa k’ax ri’ rech kakitijoj kib’ xuquje’ rech k’o kino’jchakunem kek’iyik xuquje’rech man kek’oji taj pa taq le molaj b’anoj k’ax ri’ le maj pa usaqil xuquje’ rech kakib’an utzalaj taq winaq che kib’ rech kakib’an le utzilem” xcha’.

 
COMPARTIR