Kakoj na ri nab’e Tijob’al ub’i’ MOST pa tinamit rech kuya’ uchuq’ab’ ri q’atel b’anow k’ax ri’

129

Are wa’ kutaqij uya’ik uchuq’ab’ ri chakunem rech q’atel b’anow k’ax kumal alab’om alitom pa we amaq’ ri’, rumal ri’ xjuch’ uwach ri ri Wujil rech Chomanik rech ri Nab’e Tijob’al ub’i’ MOST pa Tinamit ri’, rumal ri urox viceministro rech Gobernación, Axel Romero, ri K’amal b’e xuquje’ ri Ajchomanel rech ri UNESCO, Julio Carranza, ri No’jinel K’amal b’e rech ri Universidad rech San Carlos, Carlos Alvarado, ri viceministro rech Desarrollo Social, José Rodríguez, ri K’amal b’e rech Conjuve, Edgar Chin xuquje’ ri diputado Manuel Giordano.

Eri Nab’e Tijob’al ub’i’ MOST pa Tinamit, are jun cholchak toq’im uwach rumal ri UNESCO xuquje’ are kutzukuj katob’anik pa le uwokik ri chomab’al pa tinamit rech kesuk’umaxik ri alab’om alitom ri’, che ri keraqataj pa jun nimalaj meb’a’ilem, pa tinamit ri’.

Eri viceministro Axel Romero, xub’ij che we chakunik ri’ are utz xa’rumal k’ut are kuchomaj k’axk’olil k’o pa kik’aslemal che ri rajawaxik kasuk’umaxik ri komonb’alil ri’, are rech b’a’ kab’an utz che ri kik’aslemam pa taq ch’oji pa taq k’ax ri’ xuquje’ rech k’o k’iyemal chi ke ri winaq tinamit ri’.

“Eri qachak uj are rech keqachb’ilaj ri’, rech kaqilo kek’iyik kewa’lijik ri’ xuquje’ rech aretaq kak’is ri tob’anik ya’om rumal ri UNESCO, kaya’ pa wokajil upatanixik pa le Ministerio ri’ xuquje’ rech kajipix ruk’ utzalaj taq b’anow ri’. Eri kaqab’an uj eri Tijob’al ib’ MOST, are kub’an rilik ri utzalaj taq ub’eyal ri chak kab’an ri’ rech kaq’atexik ri b’anow k’ax kumal ri alab’om alitom ri’ rumal man k’ot ya’tal wi kichak kipatan ri’ xuquje’ rech ke’ok pa k’iyemal b’antajil le alab’om alitom ri’”, xcha’ ri Romero.

Eri No’jinel K’amal ub’e ri Universidad rech San Carlos rech Iximulew, Carlos Alvarado, xub’ij che are wa’ k’o nim kupatanij chi ke taq ri wokajil rech kakitunu kichuq’ab’ chak patan ri’ xuquje’ rech kakiterenb’ej upatanixik ri k’iyemal winaqilal ri’.

COMPARTIR