Katajin b’anow komonb’al tzukunik pa taq kaxonach’ich’ pa puerto Quetzal xuquje’ pa Santo Tomás

106

Sib’alaj katajin b’anow komontzukunik kumal ri’ eqa’lenel rech ri Superintendencia rech Administración Tributaria (SAT), kumal ri Subdirección General rech Análisis xuquje’ Información Antinarcotica (SGAIA) xuquje’ ri División  DIPAFRONT, rech ri PNC, ri xraqataj chi’ are e torom chik jujun chi ke taq nik’aj kaxonach’ich’ ri’, jeri’ ub’ixik xuya’ ri Viceministro rech Ya’olchajinik, Ricardo Guzmán, aretaq xtaq usik’ixik pa jun riqb’al ib’ kumal ri Bancada rech ri UNE xub’an chi ke ri taqawokajnelab’ ri’, jeri jacha’ ri SAT, rech are xch’ob’ik pa saq ri uchak patan ri Puerto Quetzal xuquje’ Santo Tomas de Castilla ri’.

Eri Viceministro xuya’ ub’ixik ri’, che ri jujun chi ke ri kaxonach’ich’ ri’ man k’ot ri jun marchamo kojom chi ke ri’ qaraj ri kojom ri’ xa’ esam rachib’al ri’ xuquje’ are wa’ kuya’ pa saqil chi rij ri’ rech pa komonb’al b’a’ kab’an jun solinik ri’ xuquje’ wexa’ k’o le maj pa usaqil karaj chupam taq ri’ rech kaya’ ub’ixik pa aninaqil ri’.

“Xa’ pa che chi wokajil xk’amow loq ri kaxonach’ich’ ri’, pane b’a’, eri kupatanij ri’ are rech kilik jumpa’ k’o ri xk’ex chech ri’”, xcha’.

Ya’tal b’a’ rech k’o pa ilb’alil ri esab’al achib’al ri’

Eri Guzmán xub’ij che katajin che uta’ik kitzijol ri empresas portuarias ri’ ri e okel chi’ pa le esab’al kachib’al ri’ xuquje’ are wa’ reta’m chik xuquje’ keraqataj chik chi’ ri e ajchajil tinamit ri’.

Xub’ij ri’ eri ya’tal pa ilel ri esab’al achib’al ri’ are rech kuya’ pa saqil we pa nab’e we pa nab’e taj xe’ok loq pa amaq’ ri’ che ri xb’an k’ax chi ke ri kaxonach’ich’ ri’, qaraj k’o jun utz katajin uk’ulmatajik chi ke ri ajtzukunelab’ ri’.

COMPARTIR