Katajin kachapik uwinaq jun molaj b’anol k’ax kakeleq’aj winaq ri’

56

 

Eri Ministerio rech Gobernación pa le uchak patan ri Departamento rech Investigación Contra Secuestros rech ri Wokajil Ajchajil Tinamit (PNC), pa komonb’al ruk’ ri Ministerio Público, k’o 8 chi b’anow tzukunem ketajin che ub’anik pa taq tinamit Jutiapa xuquje’ pa uk’u’x Iximulew ri’, rech kakitzukuj rech kakichapo uwinaq jun molaj b’anol k’ax ri’ kakeleq’aj winaq ri’.

Eri sak’ajil rech ri Subdirección General rech Investigación Criminal (SGIC), e achb’ilam kumal eqa’lenel, rech xkikub’isaj uchajixik waqxaqib’ chi ja k’olib’alil ri’ che kakichapo wi’ nik’aj b’anol k’ax kakeleq’aj winaq ri’ xuquje’ rech katzukuxik karaqik q’alajisab’al releq’axik jun achi 37 ujunab’ ri’.

Eri xb’antaj ri’

Pa le keb’ q’ij rech noviembre rech 2017, pa jun k’olib’em rech ri Laguna el Comendador pa le juyub’ tinamit rech Pasaco pa tinamit rech Jutiapa, eri winaq ri’ are xeleq’axik kumal e kajib’ winaq kakojom kuchib’al kipalaj ri’ keqam k’aqb’alil; rech te k’u ri’ xkik’am b’ik pa jun k’ache’laj xuquje’ rech te k’u ri’ xkitoq’ij chi ke rachalal Q. 800 mil chi pwaqilem rech kakitzoqopij kanoq. Aretaq xeno’jixik kumal nik’aj e ajno’jinelab’, xaq xu’ wiri’ chik xkichomaj kuk’ kakitojo Q50 mil rumal ri’ utz uwach ri achi’ xesax pa kiq’ab’ nik’aj b’anol k’ax ri’.