Katajin kaq’atexik nik’aj molaj b’anol k’ax ri’ che ri kb’anom k’ax chi ke taq ixoqib’ ri’

98

 

Pa ronojel k’o 43 b’anow tzukunem katajin kumal ri Wokajil Ajchajil Tinamit (PNC), xuquje’ ri q’atol tzij rech ri Ministerio Público pa kajib’ uq’ab’ tinamit rech Iximulew ri’, are katajin che katzukuxik rech kichapik ri jun molaj b’anol k’ax ri’ Crazy Gángster rech ri Barrio 18, kab’ixik rumal k’o waqib’ k’aqanik kib’anom chi ke e jo’ob’ ixoqib’ che ri xekamik ri’ xuquje’ chi ke e 11 winaq che ri xesakik, pa octubre rech 2017 xuquje’ pa abril rech pa junab’ ri’.

Eri b’anow tzukunem ri’ are xb’antaj pa le Villa Nueva, Iximulew, San Miguel Petapa xuquje’ pa Santa Catarina Pínula xuquje’ e k’o 86 chi ke ri’ xetatb’en wi’ ri eqa’lenelab’ rech ri División Especializada rech Investigación Criminal (DEIC) xuquje’ ruk’ 344 eqa’lenel rech ri  PNC, kuk’ ajno’jinelab’ rech antiexplosivos, rajchak ri Division rech Fuerzas Especiales rech ri Wokajil Ajchajil Tinamit (DIFEP) xuquje’ reqa’lenel ri unidad Lobos Gril, eri chak ri’ are rech uq’atexik b’anow k’ax chi ke taq ixoqib’ ri’ are wa’ chak katajin che ub’anik ri Ministerio rech Gobernación ri’.

Rumal ri b’anow tzukunem ri’ e k’o chik e 34 chi winaqil e chapom chik ri’, kab’ixik e uwinaqil ri jun molaj b’anol k’ax ri’, che ri tajin xkib’an k’ax pa taq le colonias rech ri zona 12 rech Villa Nueva, 15 xuquje’ 16 rech pa uk’u’x nimatinamit ri’ xuquje’ e are ri’ kab’ixik k’o toq’inik pwaq xkib’an ri’ ruk’ b’anow taq kamisanik ri’.