Katajin kaq’atexik ri molaj b’anol k’ax kib’anom elaq’nik ri’ xuquje’ kib’anom chi ke wa’katel ixoqib’ ri’

274

 

Pa ronojel k’o 21 chi b’anow tzukunem rumal ri Wokajil Ajchajil Tinamit (PNC), pa taq jalajoj zonas xuquje’ pa taq juyub’ tinamit pa we amaq’ ri’, are rech taqim kchapik uwinaqil jun molaj b’anol k’ax che ri kib’anom elaq’nik xuquje’ kib’anom k’ax chi ke wa’katel ixoqib’ ri’.

Eri tzukunik ri’ are katajin pa Villa Nueva, San Miguel Petapa, zona 5 rech uk’u’x nimatinamit, pa Santa Rosa xuquje’ pa San Marcos ri’, chi’ k’u ri’ xetatb’en wi’ e 150 chi eqa’lenelab’ rech ri PNC kuk’ ri q’atol tzij rech ri Ministerio Público. Are rech terenb’em kichapik nik’aj b’anol k’ax che ri taqom kichapik rumal q’atb’altzij ri’.

Eri b’anow tzukno’jchak rumal ri PNC, xuq’alajisaj che ri wa’katel winaq ri’ are b’anom k’ax pa taq nimab’e rech pa we amaq’ ri’, rech e k’amom b’ik pa taq juyub’ katz’iniwik rech esam kijastaq ri’ xuquje’ e ch’ayom ri’ xuquje’ b’anom k’ax chi ke ri e ixoqib’ kumal nik’aj b’anol k’ax ri’.

Xb’antaj b’a kowinem xchapatajik ri taqanel chi ke ri molaj b’anol k’ax are winaqil salvadoreña, ub’i’ Luis Ernesto Rodriguez Murillo 26 ujunab’, pa tinamit pa le  3 avenida xuquje’ 6 calle colonia Vasquez zona 21, kab’ixik k’o nim b’anow choman b’anow k’ax ub’anom, k’o nim elaq’nik, k’o ixoqib’ kib’anom k’ax chi ke xuquje’  e k’o winaq kichapom b’ik rech xkib’an k’ax chi ke.

Eri b’anow taq tzukunem ri’ are runimal uwach uchak upatan che ri katajin che ub’anik ri Ministerio rech Gobernación ri’.