Ruk’ kitatb’enik e 25 eqa’lenelab’ rech ri Wokajil Ajchajil Tinamit (PNC) eri viceministro rech Q’atel b’anow k’ax, Axel Romero, le Evelyn Blanck rech ri Centro Civitas, le Thomas Cielik taqanel q’atb’altzij rech ri cooperación Alemana, le Anija Dahl  k’amal b’e rech ri GIZ, jeri’ le Patricia García k’amal b’e rech ri k’ak’ b’anow taqawokajil, xkijaq uwach ri k’uttijonem rech katijoxik chi rij ub’anikil ya’oltzijolinik xuquje’ ya’olchajinik chi ke e ajtzijolinelab’ ri’ are wari xnajtib’ pa keb’ q’ij ri’.

We k’uttijonik are utaqim uch’ob’ik chi rij ri q’atel b’anow k’ax pa taqawokajil pa le uq’atexik b’anow k’ax chi ke e ajtzijolinel ri’.

Eri viceministro Romero, eri utaqim uwach rumal ri k’uttijonem ri’ are ri’ uch’ob’ik kichak e ajtzijolinel xuquje’ ri ya’ochajinik chi ke kumal ri e ajchajil tinamit ri’ rech man k’ot q’atenik b’anow k’ax kab’an chi ke ri’ aretaq e k’o che uk’amik utzijolil ri’.

“Eri kaqaj uj are k’o jun nim chomanik k’amow ib’ chi kuwach ri e ajtzijonel kuk’ ri eqa’lenel ajchajil tinamit ri’ rech kach’ob’otajik ucholaj kichak patan ri’ pa uya’ik tzijolil ri’ che ri kakipatanij pa taq ronojel q’ij ri’”, xcha’ ri Romero.

Eri cholchak ri’ are rech tijob’enik ri are kajib’ pa uwach uya’ik ri’: ri ya’oltzijolinik xuquje’ ri ya’olchajinik chi ke ri e ajtzijolinelab’ ri’, ri q’atel b’anow k’ax che ri ya’talil chi ke ri winaqil jacha’ chi rij uq’atexik uwach ri ya’oltzijolinik; ri ya’oltzijolinik ri k’o pa uya’talil pa tinamit xuquje’ ri ya’talil uta’ik tzijol pa tinamit ri’.