Katajin le ub’eyal taq ya’olchajinik rech uq’atexik ri e ajk’ayin awan kunb’alil

82

Eri ub’eyal taq cholchak rech ya’olchajinik pa le kiq’atexik ri e ajk’ayin awan kunb’alil ri’, rumal ri’ k’o ya’olchajinik rech kiq’atexik pa taq k’ulb’a’t juyub’ amaq’, k’o ri’ ya’olchajinik pa uwi’ taq plow ri’, k’o ya’olchajinik pa komonb’al pa taq wokajil ri’ xuquje’ k’o utzijob’exik ri’ kuk’ le amaq’ib’ nimatinamit e k’o naj ri’, are wa’ ub’anom ri’ rech k’o awan kunb’alil raqom ri’, ruk’ jastaqil xuquje’ ruk’ taq pwaqil esam pa kiq’ab’ ri e ajk’ayin awan kunb’alil, jeri’ xuya’ ub’ixik ri Oscar Dávila Mejicanos, Viceministro Antinarcóticos.

Xub’ij chik eri Fuerza de Tarea, k’o jun utzalaj chak patan ub’anom ri’, rumal ri’ we kamik ri’ k’o 12 mil 500 kilos rech cocaína raqom chik ri’, pa raqan le e tikolik k’o 417 millones xuquje’ ruk’ 5.7 millones raqan taq marihuana e tikolik xraqataj ri’.

“Eri uj tajin kaqach’ob’ ri’ che pa Amaq’ Paxil Kayala’ ri’ k’o k’i xek’ux chech ri’ xuquje’ jeri’ chi rij kiq’atexik k’ayin awan kunb’alil ri’ jacha’ ri D.E.A., eri amaq’ jacha’ ri Colombia xuquje’ ri rech pa rulewal Centroamericana, k’o k’ak’ taq ub’eyal ya’olchajinik kojom ri’ rech qas kab’an ukojik k’ak’ uchokonsab’alil kuk’ ri e ajchak ri’.”

“We kamik ri’ jacha’ ruk’ ri pa junab’ir kanoq xa’ jub’ik ri’ raqom panoq ri’, rumal ri’ katajin ukojik nim chuq’ab’ rech ri q’atenik chi ke ri ajk’ayin awan kunb’alil ri’”, xcha’.

COMPARTIR