Katajin na ri b’anow tijob’enik chi rij ri Jaqatil uwach Taqawokaj ri’

80

Eri Cuarto Viceministerio rech Tecnología rech tzijol xuquje’ rech Tzijob’en ib’ ri’ katajin na ruk’ ri k’uttijonem rech “Jaqatil uwach Taqawokaj ri’”, eri rajchak rech ri Ministerio rech Gobernación xuquje’ ruk’ taq uq’ab’il rech unimaxik uwach ri uk’u’x cholupam chomanik rech ri k’ak’ cholchak no’jb’enik ri’.

Eri Jaqatil uwach Taqawokaj ri’ are wa’ jun k’ak’ b’antajil rech pa saqilem ri’, rech ya’b’al tzij ri’ xuquje’ rech ya’b’al kub’sib’al k’u’x ri’ pa ub’anik jun utzalaj taqawokaj ri’ xuquje’ rech uk’exik kuwach ri winaqilal ri’.

We jun chakunem rech tijob’enik ri’ are kab’anik jacha’ tane’ ri chakunem rech kakojik ri Chomab’al Tinamit rech Jaqatil uwach taq Tzijol ri’ xuquje’ rech kawokik ri Uwachwuj rech Kaqatil Ya’el Tzijol ri’ ri are uchak patan ri Ministerio rech Gobernación pa le Urox cholchak rech ri B’anow Chakunem pa Tinamit rech Jaqatil Taqawokaj 2016-2018.

Eri Jaqatil uwach Taqawokaj ri’ are wa’ jun cholchak xkoj rumal ri K’amow ub’e Amaq’ Tinamit, are wa’ jun eqle’nemtzij rech kamajtaj resaxik ri man utz ta ri’ le k’utuninaq pa najalaj taq junab’ chik ri’ rech kutoq’ij ri b’anow pa saqilem ri’ ruk’ ri jachow pa saqil jikomal ri sachom uwach chik ri’.

Eri Zaira Mejía, are ajchomanel rech ri Jaqatil uwach Taqawokaj, xub’ij ri’ che wu jun chakunem ri’ are karaj kuya’o jun b’anow utzalaj taqawokaj chak patan pa tinamit, are wa’ oxib’ uk’u’x uwach ri’: ri b’anow pa saqilem ri’, ri tatb’enik xuquje’ ri tob’anik ri’.

Eri Viceministerio rech Tecnología katerenb’ex ub’anik taq ri k’uttijonem ri’ xuquje’ pa le cholchak ri’ eri Ministerio rech Gobernación are ri’ ri nab’e taqawokajnem rech pa uwokajil ri k’amow ub’e taqanem pa amaq’ tinamit ri’ ri kujeq uwach ri tzijol ri’ pa le 2018, are rech b’a’ eri winaqilal kakimaj rilik b’anow uchomaxik uwach chi rij taq ri chak patan kab’an ri’ pa tinamit xuquje’ are rech kuya’ unimaxik ri cholchak rech ri Jaqatil uwach Taqawokaj ri’.

COMPARTIR