Pa le Tijob’al rech ri K’ak’ Ub’anikil Taqanik Pache’ ri’, Dr. Roberto Santana, pa Zaragoza, Chimaltenango, ri xk’is wi katijoxik k’ak’ eqa’lenelab’ rech Ya’olchajinik xuquje’ rech Ilonik Pache’ VTP, are wa’ ri keb’ molaj che ri xk’is katijoxik ri’ rech ke’olin pa jun k’ak’ ilonik chi ke e ajpache’ ri’.

Pa le kanimaq’ij ri xkik’is katijoxik ri’ chi’ k’u ri’ xtatb’en wi ri’ Ministro ech Gobernación Francisco Rivas Lara; ri Viceministro rech Ya’olchajinik Ricardo Guzmán; ri K’amal b’e rech Wokajil Japache’, Juvel de León; ri K’amal b’e rech ri Academia Regional  Penitenciaria Carlos Santana; ri K’amal b’e rech ri INL Hugo Guevara xuquje’ Rosa Lara rech ri Embajada rech Estados Unidos ri’.

We jun k’ak’ molaj eqa’lenelab’ ri’ wokotal kuwach kumal e 71 chi achijab’ kuk’ ixoqib’ che ri xetijox ri’ che: reta’mab’al kemamtzij ri’, che ya’olchajinik chi ke e ajpache’, chi ke ixoqib’ e ajpache’, rech e sak’ajil ya’olchajinik pache’ xuquje’ rech ya’olchajinik pa taq le rachoch ri japache’ ri’.

Eri taqawokajnel rech ya’olchajinik pa amaq’, xumaltyoxij ri tob’anik ya’om ri’ rumal ri’ Estados Unidos xuquje’ rumal ri República Dominicana ri’.

“Ruk’ wa’ kanimaq’ij ri xkik’is utijob’exik ri’ kaya’taj ri’ jun ukab’ uwach rech jun k’ak’ saqarib’al che ri Iximulew ri tajin kuk’aslemaj ri’, qeta’m k’ut we jun b’e ri’ are sib’alaj k’ax uq’axaxik ri’, emu wa’ ri’ uq’ab’l qachak qak’amom ruk’ Iximulew ri’ xuquje’ are utz uk’amik uq’ab’il chak chupam qumal rech k’o jun utzalaj uwokajil japache’ ri’”, xcha’ ri Rivas Lara.

Eri Hugo Guevara, rech INL Guatemala, xumaltyoxij xuquje’ xuki’kotirsaj chi ke kinan tat ri eqa’lenelab’ rumal xeto’n chi ke pa le jun tijob’en ib’ ri’, “eri eqa’lenelab’ are kakipatanij uwach ri jun nim kasuk’umaxik ri e ajpache’ ri’”.

Eri 75 eqa’lenelab’ che xb’an kanimaq’ij rech xkitijoj kib’ ri’ kajach kuwach ri’ pa taq ri k’ak’ kachoch e ajpache’ ri’, xcha’ ri Eliot Palma k’amal b’e rech ri Tijob’al rech Tijb’enik chi rij ub’anikil pa Japache’ ri’.

COMPARTIR