Katajin ub’eyal ub’anikil chak rech utz uq’atexik ri jek’b’al ch’a’wb’alil pa wokajil japache’ ri’

110

Ruk’ b’a’ taqim uya’ik reta’maxik ri chakum chik pa le cholupamtzij rech ub’anikil no’jb’anem ri’ katajin uchomaxik pa le uq’atexik ujek’ib’al ch’a’wb’alil ri’ pa taq le wokajil japache’ ri’ xuquje’ rech kaq’atexik ukojik ch’a’wb’alil pache’ ri’, rumal ri’ eri Viceministro rch Tecnologías, Gabriel Juarez, xtatb’en pa le bancada UCN, ruk’ ri diputado Napoleón Rojas, K’amal b’e rech ri Utaqawokajinik ri Gobernación rech ri Wokajil B’anol Taqanib’al pa Amaq’ ri’.

Eri Viceministro xub’ij ri’ eri ktatb’enik ri wokajil rech telecomunicaciones pa taq le riqb’al ib’ are k’o nim kupatanij ri’, rumal k’ut are taqim ri’ are kab’an ri jun nuk’chomanik rech kuya’ chi ke rajchaj ri Gobernación ri’ rech kek’uttijoxik xuquje’ rech utz ub’anik uq’atexik ujek’ib’al ch’a’wb’alil ri’.

Junam ri’ xuya’ ub’ixik ri Viceministro ri’, xya’taj utzijoxik ri chakum chik ri’ ri k’o pa taq ri escáner kech ri winaq ri’, jacha’ ri chokonsab’al che ri kojom pa taq ri japache’ ri’, are wari’ uwach ri juntir chomab’al chi rij rumal ri Ministerio rech Gobernación ri’, are wa’ katajin che ub’anik rech uq’atexik uchuq’ab’ ri b’anow elaq’ toq’inik pwaq ri’, pa taq le ch’a’wb’alil k’a pa taq le japache ri’.

Eri wokajil rech ch’a’wb’alil k’o chakub’al kuya’ ri’

Eri Juarez ri’ xuya’ ub’ixik che kumaltyoxiij ri jun b’anikil ri’ pa le uchomaxik ri rajawaxik pa le Wokajil Japache’ ri’ xuquje’ rumal k’ut eri Mingob’ ri’ pa uq’ab’ ri’ k’o wi kuq’atij wa’, man xaq ta ri’ kukoj ri q’atib’al ujek’ib’al retal ch’a’wb’alil ri’ xane’ are rajawaxik katerenb’ex pa le ub’anikil uq’atexik wari’, rech kuya’ pa aninaqil kub’an upatan ri q’atib’el ujek’ib’al retal ch’a’wb’alil ri’.

Pa k’isb’al ri’ xuya’ ub’ixik ucholaj che pa jun uwach wuqq’ij, eri wokajil rech taq ch’a’wb’alil ri’ are kuya’ jun ub’anikil k’utb’al rech wari’ chi rij taq ri k’olib’em ya’om wiri’ ri chakub’al ruk’ ri jas ri karaqataj wiri’ pa le jun ub’anik we jun chak patan pa le ya’ol utz b’anikil chi ke ri winaq e aj iximulew ri’.

COMPARTIR