Are rech b’a’ kaq’atexik ri b’anow k’ax kamisanik kab’an chi ke taq ri Hospital Roosevelt xuquje’ San Juan de Dios, eri q’atb’altzij rech ri Ministerio rech Gobernación, rech ri Defensa xuquje’ rech ri Salud Públicas xemolin k’ut pa le Palacio Nacional, rech xkib’an jun nim ch’ob’ow chi rij ri k’ax kab’an ri’ rumal ri’ xchomaxik ri ub’anikil ri ya’olchajinik ri’ pa le kito’ik uwach kik’aslemal ri winaq e aj iximulew ri’ che ri tajin kakitzukuj kikunab’alil chi’.

Eri taqawokajnel rech ri Ya’olchajinik pa we amaq’, Francisco Rivas Lara xuya’ ub’ixik che ri nab’e taq ya’olchajinik ri’ xmajtaj ukojik ri’, “kumal ri wokaj ya’olchajinik rech ri Ministerio rech Salud, rech ri Defensa xuquje’ rech ri Gobernación xkimol kib’ rech kakib’an jun etab’an ib’ ri’, jun nim solwachinik ch’ob’ow chi rij taq ri k’ax kakiya’o pa taq le jujun ja rech kunanib’al yowab’ ri’ rech kakoj jun ub’anikil ya’olchajinik ri’”.

Chi rij ri’ ri clínicas móviles kukoj rumal ri Ministerio rech Salud, ri Rivas Lara xub’ij che k’o jun ri’ kojom chik pa le zona 18 xuquje’ jun chik kojom pa Fraijanes, are wari’ rech man ketaq ta chik ri e ajpache’ pa taq ja rech kunanib’al yowab’ ri’ are rech b’a’ kekunax pa taq xbi’taj ri’.

“Xaq xu’ wiri’ kek’am b’ik pa aninaqil pa kunamem ri’ ri rajawaxik kepaq’ ri’, e are ri’ kek’am b’ik ri’ sib’alaj e chajital ri’ xuquje’ rech ma ruk’ ta ub’anikil itzel aretaq e k’amom b’ik pa taq b’e ri’ rech keb’e pa ja rech kunanib’al yowab’”, xcha’.

Xukub’isaj b’a’ ub’ixik che ri ya’olchajinik ri’ are rech ya’b’al utzilem chi ke ri winaq e aj iximulew ri’, rumal k’ut eri e ajchak patanel ri’ e toq’am ri’ rech utz ri ilonem kakiya’ ri’, rumal ri’ rajawaxik ya’olchajinik chi ke, ruk’ joremal xuquje’ jorob’anem ri’.

Eri keq’axax ri’

Eri Ministro ri’ kub’ij, pa we junab’ ri’ k’o 3 mil 500 e ajpache’ b’anol taq k’ax e taqom ri’, kuk’ ri xaq e ajpache’ ri’ “e elinaq b’ik ri’ rech e b’enaq che ub’anik taqkik rech b’anow nimaq’ij k’a le b’enaq pa ja rech kunanib’al ri’, are rajawaxik kak’ex ub’anik ri’, rumal ri b’anow k’ax ri’ xuquje’ eri itzel b’anikil man kuya’ ta chik pa retal rech xaq tane’ kek’am chi b’ik ri’ rumal k’ut xa’ kakiya’o pa k’ax ri winaq e aj iximulew ri’”.

COMPARTIR