Katajin uchomaxik rech kakoj jun jachakunb’al kechajix wi’ ak’alab’ rech ri Mingob

175

Are rech taqim uch’ob’ik le rajawaxik toq’im uta’ik ri’ rech uya’ik jun nimantzij rech kakoj jun ja jachakunb’al rech ajtob’anel rech ri wokajil ri’, kab’an ri’ jun molb’al tzijol chi ke rajchak konojel ri jachakunb’al ruk’ ri k’amow b’e rech uq’ab’il ri Ministerio rech Gobernación ri’, rumal ri urox uq’ab’taqawokajnem rech Q’atel b’anow k’ax xuquje’ ri Jachakunb’al rech Junamil, k’ib’anikil, rech ak’alab’ xuquje’ q’apojil ri’.

Eri Silvia Ochoa, Ajno’jinelab’ pa le Unidad rech Género, xuya’ ub’ixik che we kamik e k’o chik 260 e ajchak achijab’ e ixoqib’ ketajin chik che b’anow molb’al tzijol ri’, eri e are ri’ sib’alaj utz kilom wari’ rech kab’an wa’ pa chuwe’q kab’ij ri’ le k’o jun kik’olib’al utz keraqataj wi chi’ k’u ri’ eri nan tat rech k’o kakiya’ wi kanoq ri taq kak’uwal ri k’a ke’alax ri’ pa waqib’ kijunab’ ri’.

Emu wa’ xuya’ ub’ixik le nan Ajno’jinel ri’ aretaq xuk’is ub’ixik juntir ub’antajil wari’ kab’an jun solowachinik rech kachomaxik konojel b’a’ ri wokajil rech taqawokaj rech ri Mingob’ ketatb’en chi rij wari’.

E chi rij ri jachakunb’al ri’ xuya’ ub’ixik che katjin uchomaxik rech katzukux ya’oltob’anik kumal nik’aj chik wokajil ri’ rech kab’antaj kowinem karaqik jun jachakunb’al ri utz kakoj rech kechajix wi ri taq ak’alab’ ri’ xuquje’ ri utz chi ke ri nan ri’ rech kakitu’tisaj wi ri taq kal.

Eri Ochoa xuya’ ub’ixik che ri molaj tzijol ri’ k’o uk’u’x k’otowtzij kojom chupam wari’ rech kata utzijol we kajwax ri’ kakoj jun jachakunb’al rech kechajix wi taq ak’alab’ ri’, we utz ri’ kakojik, we utz ri’ chi ke, rech kilik e jarpa’ kalk’uwal xuquje’ ri kalk’uwal k’a te waqib’ kijunab’ ri’ xuquje’ we kekowin che utojik chi taq ik’ ri’.

Eri nab’e taq tzijolil ri’, xub’ij ri’ nan Ajno’jinel, xub’ij k’ut eri e ajchak, che ri maja’ k’alk’uwal ri’, e are ri’ qas kikaj kakoj wa’ jun cholchak ri’ xuquje’ k’o utzalaj taq kitzij xkiya’o chi rij wari’ rech utz kakoj pa chuwe’q kab’ij rech k’o jun nim utzilem kuya’ pa le rajawaxik ri’ chi ek ri kalk’uwal rumal ketijob’ex ri’ chi rij rech kakub’ kik’u’x ri’.

Eri Ocho xuya’ ub’ixik pa k’isb’al rech ri’ che we nik’aj taq k’olib’emal ri’ are k’o pa le Taqomwujilal rech Chakunem pa le artículo 155 kub’ij wi che konojel taq ri wokajil ri’ che ri tojom che ri tojom taj rumal rech ri taqawokaj pa Amaq’ rajawaxik ri’ k’o jun jachakunb’al rech kachajib’al taq ak’alab’ ri’ ri kakitaq wi’ kalk’uwal pa chajinik e 30 chi e ajchak ri’. xub’ij ri’ che we jun cholchak ri’ are ya’tal chi ke konojel ri e k’o pa q’atajchak ri’ pa le wokajil rech chak patan ri’.