Katajin uchomaxik rech kakojik jun wokajil jachakunb’al rech kechap ri kakib’an elaq’nik pa taqawokajil ri’

230

Pa ya’oltzijolinik ri’, eri Ministro rech Gobernación, Francisco Rivas Lara, xuya’ ub’ixik che katajin uchomaxik rech kakojik jun Molaj eqa’lenel rech kakichap ri 100 chi b’anol k’ax elaq’ pa taq taqawokajil ri’, we kamik ri’ xuquje’ katajin retaxik ri uchak patan ri Jachakunb’al rech Chapb’al ri’ rech ri Wokajil Ajchajil Tinamit (PNC), rech kaya’ uchuq’ab’il ri’.

Eri Rivas Lara xuya’ ub’ixik che ri 100 chi winaq kiwam kib’ ri’, k’o jun 30 chi ke keraqataj pa taq nik’aj chik nimatinamit naj xuquje’ e are wa’ ri pa komonchak kechap na ri’ kumal ri q’atb’altzij rech naj taq nimatinamit ri’.

E k’o ch’ich rech keb’inisaxik keloq’ na rumal ri PNC

Eri taqawokajnel rech ya’olchajinik pa amaq’ ri’, xuya’ ub’ixik che keloq’ na e 3 mil chi ch’ich’ ri’, rech pa aninaq xuquje’ rech pa uya’ik uchuq’ab’ ri ya’olchajinik kumal ri Wokajil Ajchajil Tinamit ri’ (PNC), we kamik ri’ eri wokajil ajchajil tinamit e k’o 1 mil 500 chi ch’ich’ pa le wokajil pa le juyub’ tinamit ri’.

Xuquje’ xuya’ ub’ixik che ronojel taq ri ch’ich’ ri’ are xar ruk’ saq kaka’y rij ri’ junam ruk’ ri k’ak’ rachib’al ri PNC ri’, rumal k’ut eri q’eq kuya’ kan ukojik ri wokajil ajchajil tinamit ri’.

COMPARTIR