Katajin uchomaxik rech keto’ik ri winaqil ri kiraq k’ax pa zona 6 ri’

166

Eri Ministro rech Desarrollo Social, Hennio Galicia xuquje’ ri Viceministro rech Q’atel k’ax ri’ Axel Romero xkib’an jun solinik pa le wokja k’o pa le Barrio San Antonio, pa le zona seis, chi’ k’ut xetzijon wi kuk’ taq ri winaqil ri’ rech keto’ik rumal ri Taqawokajnem Ya’olchajinik ri’.

Eri k’amal b’e rech ri MIDES, utam che rumal ri K’amal b’e Amaq’il, rech kakoj na ri chakub’al rech ri Taqawokaj kaya’taj chi ke ri winaq kakiraq k’ax ri’.

Xuquje’ xchomaxik umuqik ri jun ali 17 ujunab’ xkam ri’, rech keya’ pa jun k’olib’al ri rachilal ruk’ juntir kik’olib’alil ri’.

Uchomaxik ya’olchajinik ri’

Eri Viceministro rech Q’atel k’ax, xuya’ ub’ixik che ri Ministerio rech Gobernacíón xuquje’ ri Consejo rech Reducción rech Desastres chaq’ab’ ri’ xtob’anik che kito’ik ri winaq xesakatajik, k’o jun eqa’lenel xsakatajik aretaq katajin che kitob’ik ri winaq xesakataj ri’.

Xuquje’ xuya’ ub’ixik che e rajawtzij che ya’olchajinik ri’, are wari’ katajin uchomaxik ruk’ ri Comisaría 12, rech kakub’isax uwch ri ya’olchajinik chi ke ri winaq xkiraq k’ax ri’ xuquje’ chi ke nik’aj chik winaq che ri xkiq’axaj kijastaq pa taq nik’aj chik k’olib’em ri’ ruk’ kitob’anik eqa’lenelab’ ri’, are rech b’a’ k’ot kakisach kanoq ri’.

“Chaq’ab’ k’ut eri Wokajil Ajchajil Tinamit xq’axaxik ri alaj ali kaminaq chik are wari’ katajn upatanixik rumal ri subdirección rech  Q’atel k’ax rech ri PNC xuquje’ re taqim we kamik rech kito’ik ri winaqil xuquje’ rech kitaq kijastaq pa taq le k’olib’al rech ri’, xuquje’ eri rajchak ri e ajchajil tinamit kek’oji ri’ pa le uchajixik ri jastaq ri’ rech man k’ot b’a’ keleq’an rech ri’”, xcha’ ri Romero.

COMPARTIR