Katajin uchomaxik rech k’o jun nim ya’olchajinik chi ke winaq keq’ax pa taq amaq’ rech Centro América

210

Xb’antaj kowinem xwok uwach jun Chomab’al rech Kiq’axnik ri winaqib’ pa taq Amaq’ pa taq rulewal ri’ xuquje’ rech uq’atexik kiq’axaxik winaq che ri kab’an k’ax che kik’aslemalil ri’, are wa’ jun chi ke uwach chomanik pa le XLV Riqb’alil rumal ri Comisión Centroamericana kech K’amal b’e xuquje’ K’amal b’e rech Migración, ri are wari’ xb’an pa qatinamit ri’.

Eri Rolando Mazariegos, Taqanel rech ri K’amow ub’e ri Ya’olchajinik rech ri Subdirección rech Control Migratorio rech Paxil Kayala’, xuya’ ub’ixik che ri ukojik xuquje’ ri ub’eyal chajinik pa komonb’al pa rulewal ri’, are katob’anik pa le jun nim ya’ochajinik xuquje’ pa le katz’ib’axik ri winaq che ri ke’ok xuquje’ ke’al b’ik pa qatinamit ri’.

“Sib’alaj rajawaxik kakoj ri utak’alib’al xuquje’ ub’eyal ya’olchajinik pa le rulewal ri’, rech k’o pa chajinik kiq’axnik winaq pa taq amaq’ ri’, ruk’ jun ub’anikil Chomab’al rech ri’, rumal k’ut eri komonchak chi rij ri’ are kuya’ uchuq’ab’ xuquje’ kub’an maj pa usaqil kiq’axnik xuquje’ ri b’anow k’ax pa kik’aslemal le winaq ri’”, xcha’ ri Mazariegos.

Eri Jorge Peraza, Taqanel rech ri Organización Internacional rech ri Migraciones rech Paxil Kayala’, El Salvador xuquje’ Honduras, eri komonchak pa wokajil ri’ are katob’an chi rij kiq’axnik ri wianq pa taq le amaq’ ri’ rech kak’oji pa saq ri ujastaq umeb’il xuquje’ ri ya’olchajinik pa rulewal ri’, rumal ri’ katanab’ ta uwach ruk’ le chak patan ri’.

COMPARTIR