Are terenb’im uya’ik kichuq’ab’ ri Wokajil Ajchajil Tinamit (PNC), eri Ministro rech Gobernación, Francisco Rivas Lara, xujaq uwach ukojik ri nab’e ab’aj, rech kamajtaj ri chak rech uyakik rachoch ri Tijob’alil rech B’anikilem ri’, ri kak’oji pa le Tijob’al Ajchajil Tinamit rech zona 6 ri’.

Pa le ilb’anik ri’ xek’oji ri q’atb’altzij rech ri Wokajil Ajchajil Tinamit (PNC), rech ri embajada rech Corea pa Iximulew xuquje’ rech KOICA ri’.

Eri Rivas Lara xumaltyoxij ri utob’anik ri Corea ruk’ Iximulew ri’ xuquje’ xuya’ ub’ixik che we jun cholchak ri’ are uwach ub’eyal cholchak rech ri PNC ri’, pa le uterenb’exik kaloq’ob’exik ri e ajchajil tinamit ri’ xuquje’ are tajin reyexik ri Tijob’alil ri’ are k’o chik pa octubre pa jun chik junab’ ri’.

“We jun ja’mril ri’ are ya’talil chi ke eqa’lenelab’ rech taq jalajoj b’anikilem ri’ che wokom uwach kumal ri PNC rech kakiterenb’ex katijoxik xuquje’ kik’uttijoxik ri’, rech pa le uya’ik uchuq’ab’ kichak patan pa le ya’olchajinik winaqilal ri’”, xcha’.

Eri embajador rech Corea, xuya’ ub’ixik che we jun chi ke ri nab’e taq cholchak rech ya’olchajinik ri’ pa we amaq’ are katob’anik xuquje’ are rajil pa umajik ri’ 3.5 millones chi pwaqil dólares ri’

Eri pwaqil rech tojb’al kech ri eqa’lenelab’ ajchajil tinamit ri’ are kopan pa wuqub’ q’inomalil chi pwaqil dólares ri’.

Eri K’amal b’e rech ri PNC, Nery Ramos, xuya’ ub’ixik che jun yakon ja k’olib’em ri’ are kutun rib’ kuk’ ri wuqub’ rachoch ajchajil tinamit che ri e yakom chik pa ronojel amaq’ tinamit ri’.

“We jun ja kayakik ri’ are rech kakojik pa le kiq’atexik ri nik’aj b’anol k’ax kuk’ ri nuk’wokaj kamisanem ri’”, xcha’.

COMPARTIR