Kaya’taj uchuq’ob’il ri ya’olchajinik rech uq’atexik b’anoj k’ax ri’

143

Are rech uya’tajik uchuq’ob’il ri ya’olchajinik rech uq’atexik b’anoj k’ax kamisanik pa we amaq’ tinamit ri’, are ri’ jun uwach chak patan ri qas kupatanij ri’ pa le reqle’mnik kuchakux uwach rumal ri Viceministra rech Q’atenik B’anoj K’ax ri’, María Elena Orellana Morales, are ri’ xuchomaj pa jun molin ib’ xk’oji wi kuk’ ri k’amal b’e rech ri Q’atenik B’anoj K’ax pa Komonb’al (UPCV) ri’.

Pa le molin ib’ chomanik ri’ xuquje’ xchomaxik ri uchak patan katajin rumal ri jun nim Molaj ri’, rech ya’b’al chajinik chi ke ri winaq tinamit ri’.

 “Eri UPCV are qas uqajib’al uq’ab’ tob’anel rech ri  urox uq’ab’ Taqawokajnem ri’, kaqaj k’ut kaqak’utu ri qatob’anik pa molajil che, rech ronojel qanima’ kaqamaj chi b’i ri chakunik ri’ rech uq’atexik ri b’anoj k’ax ri’ xuquje’ are k’ut ri komon winaqil ri’, ri qas kilowik ub’anik ri komonchak chi rij ri’”, xcha’ le nan ajpatanel ri’.

Eri Orellana Morales xuquje’ xub’ij che kub’an unimaxik ri Ub’antajik Chomanem Tinamit rech ri Ya’b’al Chajinik rech Kaq’atexik B’anoj K’ax ri’ pa 2014 – 2034, wokom uwach rumal ri ya’olchajinik rech uq’atexik b’anoj k’ax chi ke taq ixoqib’, ak’alab’, alab’om alitom ri’ xuquje’ rech kaq’atexik ri ub’anikil ma utz taj kab’an pa taq wa’katem ri’ kojpa’ resaxik eqam k’aqb’alil ri maj pa usaqilal ri’.

 “Eri b’anoj patanem taqanik ri’ are rech qastzij k’ut kojupan b’a kuk’ ri tinamit pa chomanik kuk’, rech je ri’ kakub’ kik’u’x kanima’ quk’ xuquje’ rech je ri’ kaqaya’ b’a’ ri tob’anik ri rajawaxik chi ke” xcha’ le nan patanel pa taqawokajil ri’.

COMPARTIR