Kejaq na ri Comisarías pa Zacapa #JuntosAvanzamos

192

Are taqim b’a’ rech kachomirsax uwach ri ya’olchajinem winaqilal pa taq le juyub’ tinamit rech pa we amaq’, eri Ministro rech Gobernación, Francisco Rivas Lara, k’o keb’ Comisarías ke’ukoj pa Gualán xuquje’ Teculután Zacapa pa viernes ri’, ruk’ wari are rech kab’an jun utzilem che ri uchak patan ri Wokajil Ajchajil Tinamit (PNC) ri’.

Eri keb’ rachoch uk’olib’al ri ya’olchajinik oxib’ uwach uwokom rib’ aq’aninaq xuquje’ chi’ ke’uq’i’ wi e 80 eqa’lenel rech ri PNC, le xuquje’ e are che kaqan kewa’kat che ri ya’olchajinik ri’ xuquje’ chi rij ri kejach’ich’, k’o chak taqkil kakib’ano rech q’alan b’anow k’ax xuquje’ rech kechoman kuk’ ri komon winaqilal chi’, are wa’ rech eri winaq tinamit chi’ kakub’ kik’u’x chi ke ri wokajil ajchajil tinamit ri’.

Eri uya’ik wa’ le keb’ rachoch uk’olib’al ya’olchajinik chi’ are kanajtib’ waqib’ ik’ ri’ xuquje’ eri rajil are Q 6 millones jujun taq, eri pwaq ri’ are ya’om rumal ri Banco Interamericano rech K’iyemalil (BID) ri’.

Pa le 2017 eri q’atb’altzij rech Gobernación xkijaq k’ut kajib’ Comisarías xuquje’ utunum rib’ ruk’ ri rech k’o pa Zacapa, chomam chik che k’o oxib’ kejaq na ri’ chi’, eri kejaq ri’ are chi la’ pa K’iche’, pa Tz’oloja’ xuquje’ pa San Marcos ri’.

 

COMPARTIR