keto’ na ri kalk’uwal ri eqa’lenelab’ che ri e kaminaq chik ri’

287

Are wa’ uwach rech kaloq’ox kipatan ri eqa’lenelab’ che ri kechakun pa le Wokajil Ajchajil Tinamit (PNC) xuquje’ ri tob’anik xya’taj chi ke ri eqa’lenelab’ che ri xekamik ketajin pa chak patan ri’, eri wokajil ri’ kuterenb’ej uya’ik tob’anik chi ke ri kalk’uwal ri eqa’lenelab’ ri e kaminaq chik ri’, are uwach jun cholchak rech b’anow tijob’enik chi ke ri’, rech kakitijoj na kib’, jeri’ xuya’ ub’ixik ri K’amal b’e Nery Ramos.

Eri Ramos xuya’ ub’ixik che we jun cholchak are k’o pa le uchomaxik uwach ri’ rech kilik e nikpa’ ri taq ak’alab’ che ri kaya’ utzilem chi ke, e 600 pa kajilab’al ri’.

 

“We jun cholchak ri’ are xmajtaj loq pa le junab’ kanoq xuquje’ are uwach we jun nim taqkil nimib’al k’o chi kuwach ri kachalal ri eqa’lenel che ri e kaminaq ri’ xuquje’ chi ke ri taq ak’alab’ man k’ot kinan tat ri’, are wa’ katajin kajilaxik pa konojel ri’ rech keto’ik pa taq le ik’ ri’ petinaq”, xcha’ ri K’amal b’e rech ri PNC.

Pa le 2017 e k’o 86 eqa’lenelab’ rech ri Wokajil Ajchajil Tinamit xekam ri’, aretaq ketajin pa chak patan rech ya’olchajinik chi ke winaqilal ri’.